Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
ഏഷ്യൻ ഗെയിംസ് വിജയം മണിപ്പൂരിന്; സ്വന്തം ഗ്രാമത്തിൽ പോകാൻ കഴിയാത്ത അവസ്ഥയെന്ന് റോഷിബിന ദേവി
ഹാങ്ചൗ: ഏഷ്യൻ ഗെയിംസിലെ തന്റെ വിജയം മണിപ്പൂരിലെ ജനതയ്ക്ക് സമർപ്പിക്കുന്നതായി ഇന്ത്യൻ താരം നവോറേം റോഷിബിന ദേവി. വനിതകളുടെ 60 കിലോഗ്രാം വുഷുവിൽ ഇന്ത്യയുടെ റോഷിബിന വെള്ളി മെഡൽ സ്വന്തമാക്കിയിരുന്നു. മണിപ്പൂർ കത്തുകയാണ്. ജനങ്ങൾ തമ്മിലടിക്കുന്നു. തനിക്ക് തന്റെ ഗ്രാമത്തിലേക്ക് പോകാൻ കഴിയുന്നില്ല. തന്റെ വിജയം മണിപ്പൂരിൽ ദുരിതം അനുഭവിക്കുന്നവർക്ക് സമർപ്പിക്കുന്നതായി റോഷിബിന ദേവി പറഞ്ഞു.
ഫൈനലിന് മുമ്പായി താൻ മാതാപിതാക്കളോട് സംസാരിച്ചിരുന്നു. മണിപ്പൂർ കലാപത്തെ കുറിച്ച് ഓർക്കാതെ മത്സരത്തിൽ ശ്രദ്ധിക്കാൻ മാതാപിതാക്കൾ തന്നോട് പറഞ്ഞു. മണിപ്പൂരിൽ ഇനി എന്ത് സംഭവിക്കുമെന്ന് തനിക്കറിയില്ല. എപ്പോഴാണ് മണിപ്പൂരിന് സാധാരണ ജീവിതത്തിലേക്ക് മടങ്ങിവരാൻ കഴിയുകയെന്ന് അറിയില്ല. അതിനായുള്ള ശ്രമം തുടരുകയാണെന്നും റോബിഷിന ദേവി വ്യക്തമാക്കി.
