വാഗമൺ കോട്ടമലയിൽ ഏലച്ചെടികൾ സാമൂഹിക വിരുദ്ധർ വ്യാപകമായി വെട്ടിനശിപ്പിച്ചു

കോട്ടമല രാജ് ഭവനിൽ രാജന്റെ കൃഷിയിടത്തിലെ വിളവെടുക്കാൻ പാകമായ 400 ഓളം ഏലചെടികളാണ് നശിപ്പിക്കപ്പെട്ടത് .
സംഭവുമായി ബന്ധപ്പെട്ട് ഈ കുടുംബം വാഗമൺ പോലീസിൽ പരാതിയും നൽകി ….


കഴിഞ്ഞ ദിവസം രാവിലെയാണ് സാമൂഹിക വിരുദ്ധർ തോട്ടത്തിൽ കയറി ഏല ചെടികൾ വ്യാപകമായി നശിപ്പിച്ചതെന്ന് ഈ കുടുംബം പറയുന്നു .
കൃഷി മാത്രം ഉപജീവനമാർഗ്ഗമാക്കി മുൻപോട്ടു പോകുന്നവരാണ് രാജനും കുടുബവും . ഇവരുടെ വർഷങ്ങളുടെ അധ്വാനമാണ് സാമൂഹികവിരുദ്ധരാൽ നശിപ്പിക്കപ്പെട്ടത് .


വിളവെടുക്കാൻ പ്രായമായ 450 ഓളം ഏലച്ചെടികളാണ് നശിപ്പിക്കപ്പെട്ടത് . പുറത്ത് കൂലിപണിക്കും മറ്റും പോയി ലഭിക്കുന്ന തുകകൾ സ്വരൂക്കൂട്ടിയാണ് കൃഷി ഇറക്കിയത് .

കൂടാതെ പൈസ പുറത്ത നിന്നും വായ് പയെടുത്തുമാണ് പരിപാലിച്ചു പോന്നിരുന്നത്


ഏലത്തിന്റെ ചുവട് തീർത്താണ് വെട്ടി കളഞ്ഞിരിക്കുന്നത്.
ഇതിനാൽ ചെടികൾ പുനർജീവിപ്പിക്കുക സാദ്ധ്യമല്ല .
സംഭവത്തിൽ പ്രതിഷേധിച്ച് മേഖലയിലെ പൊതുപ്രവർത്തകർ അടക്കം രംഗത്ത് വന്നു കഴിഞ്ഞു.

സംഭവത്തിൽ കുടുംബം വാഗമൺ പോലീസ്.വില്ലേജ് ,ജില്ല പോലീസ് മേധാവി , കളക്ടർ അടക്കമുള്ളവർക്കും പരാതി നൽകി.