പീച്ചി ഡാമിൽ വഞ്ചി മറിഞ്ഞ് അപകടം; മൂന്ന് യുവാക്കളെ കാണാനില്ല

തൃശ്ശൂർ: പീച്ചി ഡാമിൽ വഞ്ചി മറിഞ്ഞ് യുവാക്കളെ കാണാതായി. പീച്ചി ഡാം റിസർവോയറിൽ മുപ്പുഴയ്ക്ക് സമീപത്താണ് വഞ്ചി അപകടത്തിൽപ്പെട്ട് യുവാക്കളെ കാണാതായത്. വഞ്ചിയിലുണ്ടായിരുന്ന ഒരാൾ നീന്തി കരയ്ക്ക് കയറി. മറ്റ് മൂന്നുപേർ കൂടി വഞ്ചിയിൽ ഉണ്ടായിരുന്നു. വാണിയമ്പാറ പൊട്ടിമടയ്ക്ക് സമീപം കൊള്ളിക്കാട് നിന്നുള്ളവരാണ് യുവാക്കൾ എന്നാണ് പ്രാഥമിക വിവരം. രക്ഷപ്പെട്ടയാൾ അവശനിലയിലായതിനാൽ കൂടെയുണ്ടായിരുന്നവരെക്കുറിച്ച് കൂടുതൽ വിവരങ്ങൾ അറിയാനായിട്ടില്ല. വൈകീട്ട് നാല് മണിയോടെയാണ് സംഭവം.