ഓണപ്പുടവ സമ്മാനിച്ചു

റോട്ടറി ക്ലബ് ഓഫ് കട്ടപ്പന അപ്ടൗൺ നരിയംപാറയിലുള്ള അസ്സീസി അഗതി മന്ദിരത്തിൽ ഓണക്കോടി വിതരണം ചെയ്തു.

മാനസിക വെല്ലുവിളി നേരിടുന്ന നൂറോളം അന്തേവാസികളാണ് ഈ കേന്ദ്രത്തിൽ കഴിയുന്നത്. എല്ലാവർക്കുമുള്ള പുതുവസ്ത്രങ്ങൾ റോട്ടറി ക്ലബ് പ്രസിഡൻറ് അഭിലാഷ് എ എസ്സ് – ൽ നിന്ന് ആശ്രമം സുപീരിയർ സിസ്റ്റർ അനുഗ്രഹ, സിസ്റ്റർ രശ്മി എന്നിവർ ചേർന്ന് ഏറ്റുവാങ്ങി.

ചടങ്ങിൽ ക്ലബ് സെക്രട്ടറി മനോജ് അഗസ്റ്റിൻ, ജിജിആർ ഷിബി ഫിലിപ്പ്, റോട്ടറി ഡിസ്ട്രിക്റ്റ് കോ ഓർഡിനേറ്റർ രാജേഷ് നാരായണൻ എന്നിവരും മറ്റ് ക്ലബ് അംഗങ്ങളും പങ്കെടുത്തു.

അസ്സീസി ആശ്രമത്തിലും ആകാശപ്പറവ അഗതി മന്ദിരത്തിലും റോട്ടറി അപ് ടൗൺ ക്ലബ് എല്ലാ ഓണക്കാലത്തും പുതു വസ്ത്രങ്ങൾ വിതരണം ചെയ്യാറുണ്ടെന്നും, വരും വർഷങ്ങളിലും ഇത് തുടരുമെന്നും ക്ലബ് ഭാരവാഹികൾ അറിയിച്ചു.