ഉടുമ്പന്‍ചോലനാട്ടുവാര്‍ത്തകള്‍
100 ലിറ്റര്‍ കോടയും പത്ത് ലിറ്റര്‍ ചാരായവും പിടികൂടി
നെടുങ്കണ്ടം: എക്‌സൈസ് മഞ്ഞപ്പാറ മേഖലയില്‍ നടത്തിയ പരിശോധനയില്‍ പള്ളിമെട്ട് കരയില്‍ നിന്നും 100 ലിറ്റര്‍ കോടയും പത്ത് ലിറ്റര്‍ ചാരായവും പിടികൂടി. കൊല്ലം പറമ്പില്‍ അനില്‍ കുമാറിന്റെ വീട്ടില്‍ നിന്നാണ് ഇവ കണ്ടെത്തിയത്. കൂട്ടുപ്രതിയായ കൊല്ലംപറമ്പില്‍ രാജന്‍ അനില്‍ കുമാറിന്റെ വീട്ടില്‍ സൂക്ഷിച്ചിരുന്ന അഞ്ച് ലിറ്റര്‍ ചാരായവും കണ്ടെത്തി. ഒന്നാം പ്രതി അനില്‍ കുമാറിനെ അറസ്റ്റു ചെയ്തിട്ടുണ്ട്. എക്‌സൈസ് റേഞ്ച് ഇന്‍സ്‌പെക്ടര്‍ സെബാസ്റ്റിയന്‍ ജോസഫ്, വനിത സിവില്‍ എക്‌സൈസ് ഓഫീസറായ എന്‍.എസ്. സിന്ധു, സിവില്‍ എക്‌സൈസ് ഓഫീസര്‍മാരായ, റോണി ആന്റണി, അരുണ്‍ മുരളിധരന്‍, പി.എം. അമല്‍, റ്റില്‍സ് ജോസഫ്, ഗ്രേഡ് പ്രിവന്റീവ് ഓഫീസറായ എന്‍.വി. ശശീന്ദ്രന്‍, പ്രിവന്റീവ് ഓഫീസറായ, സതീഷ് കുമാര്‍, പ്രകാശ്, ഡ്രൈവര്‍ ബിലേഷ് എന്നിവര്‍ പരിശോധനയില്‍ പങ്കെടുത്തു.
