പ്രധാന വാര്‍ത്തകള്‍
കഞ്ചാവ് വില്പനക്കിടെ യുവാവ് പിടിയില്‍ : 1.162 കിലോ ഗ്രാം കഞ്ചാവുമായി ശാന്തന്‍പാറ കണ്ണഞ്ചിറ ടിറ്റോ മോന്‍ആണ് പിടിയിലായത്
ശാന്തൻപാറ : കഞ്ചാവ് വില്പനക്കിടെ യുവാവ് പിടിയില്‍. ശാന്തന്‍പാറയില്‍ നടത്തിയ പരിശോധനയിലാണ് 1.162 കിലോ ഗ്രാം കഞ്ചാവുമായി ശാന്തന്‍പാറ കണ്ണഞ്ചിറ ടിറ്റോ മോന്‍(31) ആണ് പിടിയിലായത്.ഇയാളുടെ പക്കല്‍ നിന്നും 1.162 കിലോ ഉണക്ക ഗഞ്ചാവും പിടികൂടി.
അടിമാലി എക്‌സൈസ് നര്‍കോട്ടിക് എന്‍ഫോഴ്‌സ്‌മെന്റ് സ്‌ക്വാഡിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. നാളുകളായി ശാന്തന്‍പാറയിലും പരിസര പ്രദേശങ്ങളിലും പ്രതി കഞ്ചാവ് വില്പന നടത്തി വരുകയായിരുന്നുവെന്ന് എക്‌സൈസ് പറഞ്ഞു. പൊതികളാക്കിയാണ് വില്പന നടത്തിയിരുന്നത്. ഒരു പൊതിയ്ക്ക് 750 രൂപ മുതല്‍ 2000 രൂപ വരെയായിരുന്നു വില. നര്‍കോട്ടിക് സ്‌ക്വാഡിലെ ഷാഡോ ടീമംഗങ്ങളുടെ നിരീക്ഷണത്തിലിരിക്കവേയാണ് പ്രതിയെ കഞ്ചാവുള്‍പ്പടെ പിടികൂടുന്നത്.
prev
next
