Idukki വാര്‍ത്തകള്‍
ഇടുക്കിയിൽ സിപിഎം ജനകീയ പ്രതിരോധ ജാഥയില്‍ ചെങ്കൊടിയേന്തി വിദേശ വനിത
സിപിഎം സംസ്ഥാന സെക്രട്ടറി എം.വി ഗോവിന്ദന്‍ നയിക്കുന്ന ജനകീയ പ്രതിരോധ ജാഥ ഇടുക്കിയില്‍ പര്യടനം ആരംഭിച്ചു . മന്ത്രി റോഷി അഗസ്റ്റിന്‍ അടക്കമുള്ള ഇടതുമുന്നണി നേതാക്കള്‍ ജാഥയെ സ്വീകരിക്കാനെത്തിയിരുന്നു. നൂറുകണക്കിന് പാര്‍ട്ടി പ്രവര്‍ത്തകര്‍ പങ്കെടുത്ത ജാഥയിലെ ചെങ്കൊടിയേന്തിയ വിദേശ വനിതയുടെ സാന്നിദ്ധ്യം ശ്രദ്ധേയമായി. പുളിയാന്‍‌മലയില്‍ ജാഥയ്ക്ക് നല്‍കിയ സ്വീകരണത്തിനിടയിലാണ് ഈ കൗതുകകരമായ കാഴ്ച ശ്രദ്ധയില്‍പ്പെട്ടത്.
ചെങ്കൊടിയേന്തി ജാഥയില്‍ അണിനിരന്ന വിദേശിയുടെ ചിത്രം സിപിഎമ്മിന്‍റെ സൈബര്‍ ഇടങ്ങളില്‍ വൈറലായി കഴിഞ്ഞു.
