കൊറോണ വൈറസ് ചോർന്നത് വുഹാൻ ലാബിൽ നിന്നു തന്നെ ; സ്ഥിരീകരിച്ച് എഫ്.ബി.ഐ മേധാവി
കോടിക്കണക്കിനാളുകളുടെ ജീവന്‍ അപഹരിച്ച കൊറോണ വൈറസ് മനുഷ്യനിര്‍മിതമാണെന്നും ചൈനയിലെ വുഹാന്‍ ലാബില്‍ നിന്നും ചോര്‍ന്നതാണെന്നുമുള്ള സംശയങ്ങള്‍ ആദ്യം മുതലേ ഉയര്‍ന്നിരുന്നു.അമേരിക്കയടക്കം പല രാജ്യങ്ങളും ചൈനക്കെതിരെ രംഗത്തെത്തിയിരുന്നു. വുഹാന്‍ ഇന്‍സ്റ്റിറ്റ്യൂട്ട് ഓഫ് വൈറോളജിയില്‍ പ്രവര്‍ത്തിച്ചിരുന്ന ശാസ്ത്രജ്ഞര്‍ തന്നെ ഈ വാദത്തെ പിന്തുണച്ചിരുന്നു. ഇപ്പോള്‍ അമേരിക്കയിലെ ഫെഡറല്‍ ബ്യൂറോ ഓഫ് ഇന്‍വസ്റ്റിഗേഷനും(എഫ്ബിഐ) ഇതു സ്ഥിരീകരിച്ചിരിക്കുകയാണ്.ചൈനീസ് ലാബില്‍ നിന്നാണ് വൈറസ് ചോര്‍ന്നതെന്ന ബ്യൂറോയുടെ റിപ്പോര്‍ട്ട് നിലപാട് എഫ്ബിഐ ഡയറക്ടര്‍ ക്രിസ്റ്റഫര്‍ റേ ചൊവ്വാഴ്ച സ്ഥിരീകരിച്ചു.”മഹാമാരിയുടെ ഉത്ഭവം മിക്കവാറും ചൈനയിലെ വുഹാനില്‍ നിന്നാണെന്ന് എഫ്ബിഐ കുറച്ച്‌ കാലമായി വിലയിരുത്തുന്നു,” ഫോക്സ് ന്യൂസിന്‍റെ ബ്രെറ്റ് ബെയറിന് നല്‍കിയ അഭിമുഖത്തില്‍ റേ പറഞ്ഞു. കോവിഡിനു കാരണമായ സാര്‍സ്‍കോവ്-2 വുഹാനില്‍ നിന്നും ചോര്‍ന്നതാണെന്ന അമേരിക്കന്‍ ഊര്‍ജ ഡിപ്പാര്‍ട്ട്മെന്‍റിന്‍റെ റിപ്പോര്‍ട്ട് പുറത്തുവന്നതിനു പിന്നാലെയാണ് എഫ്ബിഐയുടെ സ്ഥിരീകരണം. വാള്‍സ്ട്രീറ്റ് ജേര്‍ണലും ഇതു റിപ്പോര്‍ട്ട് ചെയ്തിട്ടുണ്ട്. യു.എസ് ഉദ്യോഗസ്ഥര്‍ ഇപ്പോഴും കോവിഡിന്‍റെ ഉത്ഭവത്തെക്കുറിച്ച്‌ അന്വേഷിക്കുകയാണെന്നും ചൈന അന്വേഷണത്തെ കല്ലെറിയുകയാണെന്നും റേ പറഞ്ഞു.”ജീവശാസ്ത്രപരമായ ഭീഷണികളുടെ അപകടങ്ങളെക്കുറിച്ച്‌ പ്രത്യേകം ശ്രദ്ധ കേന്ദ്രീകരിക്കുന്നു. അതില്‍ കോവിഡ് പോലുള്ള നോവല്‍ വൈറസുകളും തെറ്റായ കൈകളിലെ ആശങ്കകളും ഉള്‍പ്പെടുന്നു. ചില മോശം ആളുകള്‍, ശത്രുതാപരമായ രാഷ്ട്ര രാഷ്ട്രം, ഒരു ഭീകരന്‍, ഒരു കുറ്റവാളി, അവര്‍ ഉയര്‍ത്തിയേക്കാവുന്ന ഭീഷണി.” റേ ബെയറിന് നല്‍കിയ അഭിമുഖത്തില്‍ പറഞ്ഞു. വാള്‍സ്ട്രീറ്റ് ജേര്‍ണല്‍ റിപ്പോര്‍ട്ട് അനുസരിച്ച്‌, കോവിഡ് ലാബില്‍ നിന്നാണെന്ന ഊര്‍ജ വകുപ്പിന്‍റെ വാദം അത്ര ആത്മിശ്വാസത്തോടെ ആയിരുന്നില്ല.2021ല്‍ തയ്യാറാക്കിയ റിപ്പോര്‍ട്ടാണ് പുറത്തുവന്നത്. രഹസ്യസ്വഭാവമുള്ള ഈ റിപ്പോര്‍ട്ട് ഇന്റലിജന്സ് ഏജന്‍സികളില്‍ നിന്ന് ലഭിച്ച വിവരങ്ങള്‍ കൂടി ചേര്‍ത്ത് അടുത്തിടെ യു.എസ് കോണ്‍ഗ്രസ് അംഗങ്ങള്‍ക്കും വൈറ്റ് ഹൗസിനും സമര്‍പ്പിച്ചെന്നും വാള്‍ സ്ട്രീറ്റ് റിപ്പോര്‍ട്ട് പറയുന്നു.
രോഗബാധിതനായ ഒരു മൃഗത്തില്‍ നിന്ന് സ്വാഭാവികമായി വൈറസ് മനുഷ്യരിലേക്ക് പടര്‍ന്നതാണെന്നാണ് നാഷനല്‍ ഇന്റലിജന്സ് കൗണ്‍സിലും മറ്റ് നാല് അജ്ഞാത ഏജന്‍സികളും ഇപ്പോഴും വാദിക്കുന്നതെന്ന് ജേണല്‍ റിപ്പോര്‍ട്ട് ചെയ്തു. എന്നാല്‍ ഇതിനും കൃത്യമായ തെളിവില്ല. എന്നാല്‍ വൈറസ് വുഹാന്‍ ലാബില്‍ നിന്നും ചോര്‍ന്നതാണെന്ന കാര്യം വൈറ്റ് ഹൗസ് നിഷേധിക്കുന്നുണ്ട്. കൊറോണയുടെ ഉത്ഭവം വുഹാനില്‍ നിന്നാണെന്നതിന് കൃത്യമായ തെളിവില്ലെന്നാണ് വൈറ്റ് ഹൗസ് വ്യക്തമാക്കുന്നത്. പൊട്ടിത്തെറിയുടെ ഉറവിടം തങ്ങള്‍ക്ക് ഒരിക്കലും അറിയാന്‍ കഴിയില്ലെന്ന് മുന്‍ വൈറ്റ് ഹൗസ് ചീഫ് മെഡിക്കല്‍ അഡ്വൈസര്‍ ആന്റണി ഫൗസി തിങ്കളാഴ്ച വ്യക്തമാക്കി. ബോസ്റ്റണ്‍ ഗ്ലോബിന് നല്‍കിയ അഭിമുഖത്തില്‍ എല്ലാ സാധ്യതകളോടും ‘തുറന്ന മനസ്സ്’ സൂക്ഷിക്കാന്‍ അദ്ദേഹം ആളുകളോട് അഭ്യര്‍ഥിച്ചു
