ലോകായുക്ത നിയമഭേദഗതിയുൾപ്പെടെ രാജ്ഭവനിലുള്ളത് 8 ബില്ലുകൾ; ഓർമപ്പെടുത്തി മുഖ്യമന്ത്രി

തിരുവനന്തപുരം: സർവകലാശാല ചാൻസലർ സ്ഥാനത്ത് നിന്ന് ഗവർണറെ നീക്കുന്നതുൾപ്പെടെയുള്ള ബില്ലുകളെക്കുറിച്ച് രാജ്ഭവനെ ഓർമ്മിപ്പിച്ച് മുഖ്യമന്ത്രി പിണറായി വിജയൻ. രണ്ടാഴ്ച മുമ്പ് നൽകിയ കത്തിനു ഗവർണർ ഇതുവരെ മറുപടി നൽകിയിട്ടില്ല.

ലോകായുക്ത നിയമഭേദഗതി ഉൾപ്പെടെ എട്ട് ബില്ലുകളാണ് രാജ്ഭവനിലുള്ളത്. മലയാളം സർവകലാശാല വൈസ് ചാൻസലർ നിയമനത്തിനുള്ള സെർച്ച് കമ്മിറ്റിയിൽ ഗവർണറുടെ പ്രതിനിധിയെ അറിയിക്കണമെന്ന് ആവശ്യപ്പെട്ട് നേരത്തെ സർക്കാർ ഗവർണർക്ക് കത്തയച്ചിരുന്നുവെങ്കിലും അദ്ദേഹം പ്രതികരിച്ചിരുന്നില്ല. അതിനിടെ സമിതി രൂപവത്കരിക്കാനുള്ള നീക്കം സർക്കാർ വീണ്ടും തുടങ്ങിയിരുന്നു.