സംസ്ഥാനത്ത് പുതുക്കിയ മദ്യവില പ്രാബല്യത്തില്‍ വന്നു. 2% വില്പന നികുതിയാണ് വര്‍ധിച്ചത്
തിരുവനന്തപുരം: സംസ്ഥാനത്ത് പുതുക്കിയ മദ്യവില പ്രാബല്യത്തില്‍ വന്നു. 2% വില്പന നികുതിയാണ് വര്‍ധിച്ചത്.മദ്യത്തിന് 10 രൂപ മുതല്‍ 20 രൂപ വരെയാണ് വര്‍ധിച്ചത്. ഏറ്റവും കുറഞ്ഞ നിരക്കിലുള്ള സര്‍കാരിന്റെ മദ്യം ജവാനാണ്. പുതിയ മദ്യവില നിലവില്‍ വന്നതോടെ ജനപ്രിയ ബ്രാന്‍ഡായ ജവാന്റെ വില 600 രൂപയില്‍ നിന്ന് 610 രൂപയായി ഉയര്‍ന്നു.മദ്യത്തിന്റെ വില്പന നികുതി വര്‍ധിപ്പിച്ചുള്ള ബിലില്‍ ഗവര്‍ണര്‍ വെള്ളിയാഴ്ച ഒപ്പുവെച്ചിരുന്നു. ബിയറിനും വൈനിനും അടുത്ത ദിവസം മുതല്‍ 2% വില്പന നികുതി വര്‍ധിക്കും.രാവിലെ മുതല്‍ സംസ്ഥാനത്ത് മദ്യത്തിന് പുതിയ നിരക്കില്‍ വില്പന ആരംഭിച്ചു. വിറ്റുവരവ് നികുതി നേരത്തെ ഒഴിവാക്കാന്‍ സര്‍കാര്‍ തീരുമാനിച്ചിരുന്നു. അപ്പോഴുണ്ടാകുന്ന നഷ്ടം നികത്താനാണ് വില വര്‍ധിപ്പിച്ചത്.2021 ഫെബ്രുവരിയിലാണ് സംസ്ഥാനത്ത് അവസാനമായി മദ്യ വില വര്‍ധിപ്പിച്ചത്. ഒരു കുപ്പി മദ്യത്തിന് 10 രൂപ മുതല്‍ 90 രൂപ വരെയാണ് അന്ന് വര്‍ധിച്ചത്. അടിസ്ഥാന വിലയില്‍ 7 ശതമാനം വര്‍ധനയാണ് സര്‍കാര്‍ വരുത്തിയത്.ജനുവരി ഒന്ന് മുതല്‍ 9 ബ്രാന്‍ഡ് മദ്യത്തിന് വില കൂടുമെന്നായിരുന്നു അറിയിച്ചതെങ്കിലും വില വര്‍ധന എത്രയും വേഗം നിലവില്‍ വരുമെന്ന് ഉത്തരവില്‍ പറഞ്ഞിരുന്നു ഇതിന് പിന്നാലെയാണ് വില വര്‍ധന നടപ്പിലാക്കിയത്. വിവിധ ബ്രാന്‍ഡികളുടെ വിലയില്‍ 10 രൂപ മുതലുള്ള വര്‍ധനവാണ് രേഖപ്പെടുത്തിയത്. നാല് ശതമാനം വില്പന നികുതിയാണ് സര്‍കാര്‍ വര്‍ധിപ്പിച്ചത്. എന്നാല്‍ സര്‍കാര്‍ ഔട്‌ലെറ്റുകള്‍ വഴി വില്‍ക്കുന്ന മദ്യത്തിന് രണ്ട് ശതമാനം വര്‍ധനവ് ഉപഭോക്താവ് നല്‍കിയാല്‍ മതിയെന്ന് ബെവ്‌കോയുടെ അറിയിപ്പില്‍ പറയുന്നു.
