പ്രധാന വാര്‍ത്തകള്‍
റേഷന്‍കട ലൈസന്‍സി:പട്ടികജാതി വിഭാഗത്തില്‍ നിന്ന് അപേക്ഷ ക്ഷണിച്ചു
തൊടുപുഴ താലൂക്കിലെ കരിങ്കുന്നം പഞ്ചായത്തില്‍ വാര്‍ഡ് 5 മറ്റത്തിപ്പാറയില്‍ പട്ടികജാതി/ പട്ടികജാതി സഹകരണ സംഘം സംവരണ വിഭാഗത്തില്‍ റേഷന്‍കടയ്ക്ക് ലൈസന്‍സിയെ സ്ഥിരമായി നിയമിക്കുന്നതിന് അപേക്ഷ ക്ഷണിച്ചു. നവംബര്‍ 26 ന് മൂന്ന് മണിയ്ക്കകം മതിയായ രേഖകള്‍ സഹിതം പൂരിപ്പിച്ച അപേക്ഷ ജില്ലാ സപ്ലൈ ഓഫീസില്‍ നേരിട്ടോ തപാല്‍ മാര്‍ഗമോ ലഭ്യമാക്കണം. നിശ്ചിത മാതൃകയിലുള്ള അപേക്ഷയുടെ പകര്‍പ്പും അനുബന്ധ വിവരങ്ങളും ജില്ലാ സപ്ലൈഓഫീസിലും പൊതുവിതരണ വകുപ്പിന്റെ ഔദ്യോഗിക വെബ് സൈറ്റിലും ലഭിക്കും. ഫോണ്‍: 04862 232321.
