കനത്ത മഴയെ തുടര്‍ന്ന് കോട്ടയം ജില്ലയുടെ പടിഞ്ഞാറന്‍ പ്രദേശങ്ങള്‍ വീണ്ടും വെള്ളപ്പൊക്ക ഭീഷണിയില്‍
കോട്ടയം: കനത്ത മഴയെ തുടര്‍ന്ന് കോട്ടയം ജില്ലയുടെ പടിഞ്ഞാറന്‍ പ്രദേശങ്ങള്‍ വീണ്ടും വെള്ളപ്പൊക്ക ഭീഷണിയില്‍.
കോട്ടയം നഗരസഭയിലെയും തിരുവാര്‍പ്പ് പഞ്ചായത്തിലെയും താഴ്‌ന്ന പ്രദേശങ്ങളില്‍ വെള്ളം കയറിത്തുടങ്ങി. ഒരു മാസത്തിനിടെ ഇത് രണ്ടാം തവണയാണ് പടിഞ്ഞാറന്‍ മേഖലയില്‍ ജലനിരപ്പ് ഉയരുന്നത്.കോട്ടയത്ത് കനത്ത മഴ; പടിഞ്ഞാറന്‍ മേഖല വീണ്ടും വെള്ളപ്പൊക്ക ഭീഷണിയില്‍
രണ്ട് ദിവസമായി കനത്ത മഴയാണ് പ്രദേശത്ത്. താഴ്‌ന്ന പ്രദേശങ്ങളിലെ റോഡുകളിലും വീടുകളിലും വെള്ളം കയറി തുടങ്ങി. കിഴക്കന്‍ മേഖലയില്‍ മഴ തുടരുന്നത് ഇവിടെ ആശങ്ക വര്‍ധിപ്പിക്കുകയാണ്.
കഴിഞ്ഞ ഒരു മാസത്തിനിടെ രണ്ടാം തവണയാണ് പടിഞ്ഞാറന്‍ മേഖലയില്‍ ജലനിരപ്പുയരുന്നത്. ആശങ്കപ്പെടേണ്ട സാഹചര്യമില്ലെങ്കിലും ജനങ്ങള്‍ ജാഗ്രത പുലര്‍ത്തണമെന്ന് ജില്ല ഭരണകൂടം നിര്‍ദേശിച്ചു. പടിഞ്ഞാറന്‍ മേഖലയില്‍ പലയിടങ്ങളിലും വെള്ളക്കെട്ട് രൂപപ്പെട്ടു.
ഓടകള്‍ അടഞ്ഞും മറ്റും വെള്ളമൊഴുക്ക് തടസപ്പെട്ടതോടെ പലയിടങ്ങളിലും ചെറു വാഹനങ്ങള്‍ക്ക് കടന്നു പോകാന്‍ ബുദ്ധിമുട്ടാണ്. കോട്ടയം, ചങ്ങനാശ്ശേരി, വൈക്കം താലൂക്കുകളിലെ വിദ്യാഭ്യാസ സ്ഥാപനങ്ങള്‍ക്ക് ജില്ല കലക്‌ടര്‍ ഇന്ന്(30.08.2022) അവധി പ്രഖ്യാപിച്ചിരുന്നു. ജില്ലയില്‍ 10 ദുരിതാശ്വാസ ക്യാമ്ബുകള്‍ ആരംഭിച്ചു.
255 പേരെ ക്യാമ്ബുകളിലേക്ക് മാറ്റിപാര്‍പ്പിച്ചു. ചങ്ങനാശ്ശേരി താലൂക്കിലെ അഞ്ച് ക്യാമ്ബുകളിലായി 24 കുടുംബങ്ങളും കോട്ടയം താലൂക്കില്‍ മൂന്ന് ക്യാമ്ബുകളിലായി 28 കുടുംബങ്ങളും മീനച്ചാല്‍ താലൂക്കില്‍ 2 ക്യാമ്ബുകളിലായി എട്ട് കുടുംബങ്ങളുമാണ് കഴിയുന്നത്. ഇന്ന് (30.8.2022) ജില്ലയില്‍ മഴയ്‌ക്ക്‌ നേരിയ ശമനമുണ്ടായത് ആശങ്കയ്‌ക്ക്‌ അയവ് നല്‍കിയിട്ടുണ്ട്.
