കോവിഡ്-19 പൊട്ടിപ്പുറപ്പെട്ട അവസാന വലിയ രാജ്യമായി മൈക്രോനേഷ്യ

കോവിഡ്-19 പൊട്ടിപ്പുറപ്പെടുന്ന ഒരു ലക്ഷത്തിലധികം ജനസംഖ്യയുള്ള ലോകത്തിലെ അവസാന രാജ്യമായി മൈക്രോനേഷ്യ മാറും.

രണ്ടര വർഷത്തിലേറെയായി, പസഫിക് ദ്വീപസമൂഹത്തിന് അതിന്‍റെ ഭൂമിശാസ്ത്രപരമായ ഒറ്റപ്പെടലും അതിർത്തി നിയന്ത്രണങ്ങളും കാരണം കോവിഡ് വ്യാപനം ഒഴിവാക്കാൻ കഴിഞ്ഞു. ചൊവ്വാഴ്ച വിവിധ ഇടങ്ങളിൽ കോവിഡ് സ്ഥിരീകരിച്ചതായി സർക്കാർ അറിയിച്ചു. പുതുതായി രാജ്യത്തേക്ക് രോഗവുമായി വന്നവരെല്ലാം ക്വാറന്‍റൈനിൽ കഴിയേണ്ടി വന്നതിനാൽ രോഗം പടർന്നില്ല.

എന്നാൽ ഈ വർഷം മറ്റ് പല പസഫിക് രാജ്യങ്ങളിലും സംഭവിച്ചതുപോലെ, രാജ്യത്തിന്റെ പ്രതിരോധങ്ങൾക്ക് കൂടുതൽ വ്യാപനശേഷിയുള്ള ഒമൈക്രോൺ വകഭേദം തടയാൻ കഴിഞ്ഞില്ല. കഴിഞ്ഞ വർഷം രാജ്യത്തെ എല്ലാ പൗരന്മാർക്കും കോവിഡ് വാക്സിൻ നിർബന്ധമാക്കിയ രാജ്യങ്ങളിലൊന്നാണ് മൈക്രോനേഷ്യ.