സ്കൂളുകള്‍ക്കായി പുതുക്കിയ കോവിഡ് മാര്‍ഗ്ഗ നിര്‍ദ്ദേശങ്ങള്‍ പുറത്തിറങ്ങി
സ്കൂളുകള്‍ക്കായി പുതുക്കിയ കോവിഡ് മാര്‍ഗ നിര്‍ദ്ദേശങ്ങള്‍ പുറത്തിറങ്ങി. വിദ്യാഭ്യാസ മന്ത്രിയുടെ അധ്യക്ഷതയില്‍ ചേര്‍ന്ന ഉന്നത തല യോഗമാണ് പുതുക്കിയ മാര്‍ഗ്ഗ രേഖ തയ്യാറാക്കിയത്. പരീക്ഷക്ക് മുന്‍പ് എല്ലാ പാഠഭാഗങ്ങളും തീര്‍ക്കുകയും അധ്യാപകര്‍ സ്കൂളില്‍ വരികയും വേണമെന്ന് വിദ്യാഭ്യാസ മന്ത്രി വി.ശിവന്‍കുട്ടി വ്യക്തമാക്കി. നിലവില്‍ ഒന്നാം ക്ലാസ്സുമുതല്‍ ഒന്‍പതാം ക്ലാസ് വരെയുള്ള കുട്ടികള്‍ 21 മുതല്‍ ഡിജിറ്റല്‍/ ഓണ്‍ലൈന്‍ ക്ലാസുകളില്‍ പങ്കെടുത്താല്‍ മതി.
മറ്റ് നിര്‍ദ്ദേശങ്ങള്‍
1) 10,11,12 ക്ലാസുകളില്‍ ശുചീകരണം നടക്കും.
2) വിക്ടേഴ്സ് ചാനല്‍ കുട്ടികള്‍ക്കായി പുതുക്കിയ ടൈം ടേബിള്‍ നല്‍കും
3) സ്കൂളുകളില്‍ ബുധനാഴ്ച മുതല്‍ വാക്സിനേഷന് ആരംഭിക്കും (രക്ഷിതാക്കളുടെ സമ്മതമുള്ളവര്‍ക്ക് മാത്രം)
4) സ്കൂളുകളില്‍ വാക്സിനേഷന് പ്രത്യേക മുറിയും, ആംബുലന്‍സ് സര്‍വ്വീസും.
ഭിന്ന ശേഷിക്കാര്‍ക്ക് വാക്സിന്‍ വേണ്ടെങ്കില്‍ ഡോക്ടര്‍മാരുടെ സര്‍ട്ടിഫിക്കറ്റ് ഹാജരാക്കിയാല്‍ മതി. വാക്സിന്‍ കേന്ദ്രമായി നിശ്ചയിച്ചിരിക്കുന്ന സ്കൂളുകളില്‍ 18ന് വകുപ്പുതല യോഗം ചേരുമെന്നും മന്ത്രി അറിയിച്ചു.
