നിരോധിത പുകയില ഉൽപ്പന്നങ്ങളുമായി കരിമണ്ണൂരിൽ ഒരാൾ പിടിയിൽ

20.03.2025 കരിമണ്ണൂരിൽ,സർക്കാർ നിയമം മൂലം നിരോധിച്ചിട്ടുള്ള പുകയില ഉൽപ്പന്നങ്ങളിൽപെട്ട 5 പാക്കറ്റ് ശിഖർ പാൻ മസാലയും, 16 പാക്കറ്റ് ഹാൻസും, 49 പായ്ക്കറ്റ് വിമൽ പാൻ മസാലയും,30 പായ്ക്കറ്റ് SS-ONE TOBACCO യും 50 പായ്ക്കറ്റ് V-1 TOBACCO യും
കുട്ടികൾക്കും മറ്റും വിൽപ്പന നടത്താനായി കരുതിയിരുന്ന താഹിർ മുഹമ്മദ് (60) കരിമണ്ണൂർ പോലീസിന്റെ പിടിയിലായി.
ബിഹാറിലെ പട്‌ന യിൽനിന്നും 40 വർഷം മുമ്പ് കേരളത്തിലെത്തി വിവിധ ജോലികൾ ചെയ്തിരുന്ന ഇയാൾ പാലാ കരൂരിലാണ് താമസിക്കുന്നത്. കരിമണ്ണൂർ പോലീസ് ഇൻസ്‌പെക്ടർ വി.സി. വിഷ്ണുകുമാർ, സബ് ഇൻസ്‌പെക്ടർ ബിജു ജേക്കബ്, സീനിയർ സിവിൽ പോലീസ് ഓഫീസർമാരായ അനോഷ്, നജീബ് എന്നിവരു ടെ നേതൃത്വത്തിലായിരുന്നു പ്രതിയെ പിടികൂടിയത്.

ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ കേരളാ പോലീസിന്റെ “യോദ്ധാവ് ” വാട്‌സ്ആപ്പ് നമ്പരിലേക്ക് 𝟗𝟗𝟗𝟓𝟗𝟔𝟔𝟔𝟔𝟔 സന്ദേശം അയക്കുക. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും. കൂടാതെ ഇടുക്കി ജില്ലയുമായി ബന്ധപ്പെട്ട ഇത്തരം വിവരങ്ങൾ ജില്ലാ നാർകോട്ടിക് സെല്ലിന്റെ 9497912594 എന്ന നമ്പരിലും അറിയിക്കാവുന്നതാണ്.