ഇ.പി.എഫ് – ഇ.എസ്.ഐ. സംയുക്ത അദാലത്ത് ഫെബ്രുവരി 27ന്

തൊഴിലാളികൾ, തൊഴിലുടമകൾ, പെൻഷൻകാർ എന്നിവർക്കായി എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷനും എംപ്ലോയീസ് സ്റ്റേറ്റ് ഇൻഷുറൻസ് കോർപറേഷനും സംയുക്തമായി നടത്തുന്ന പരാതി പരിഹാര ബോധവൽക്കരണ അദാലത്ത് ഫെബ്രുവരി 27ന് നടക്കും. തോടുപുഴ മുതലക്കോടം ഹോളിഫാമിലി ഹോസ്പിറ്റൽ കോൺഫറൻസ് ഹാളിൽ നടക്കുന്ന പരിപാടിയിലേക്ക് രാവിലെ 9 ന് രജിസ്ട്രേഷൻ തുടങ്ങും. പങ്കെടുക്കാൻ ആഗ്രഹിക്കുന്നവർ പി. എഫ്. സംബന്ധിച്ച പരാതികൾ മൂന്നാർ പി. എഫ്. ഓഫീസിൽ നേരിട്ടോ, പി. എഫ്. കമ്മീഷണർ, പി.എഫ്. ജില്ലാ ഓഫീസ്, മൂന്നാർ എന്ന വിലാസത്തിലോ, ഇ.എസ്.ഐ സംബന്ധമായ പരാതികൾ ബ്രാഞ്ച്മാനേജർ, ഇ.എസ്.ഐ കോർപ്പറേഷൻ, തൊടുപുഴ അല്ലെങ്കിൽ ബ്രാഞ്ച് മാനേജർ, ഇ.എസ്.ഐകോർപ്പറേഷൻ, ഫാത്തിമമാതാ നഗർ, അടിമാലി എന്ന വിലാസത്തിൽ നേരിട്ടോ, തപാലിലോ, 21 നകം ലഭ്യമാക്കണം.
പി.എഫ്. സംബന്ധമായ പരാതികൾ [email protected] എന്ന ഇമെയിലിലും, ഇ.എസ്.ഐ സംബന്ധമായ പരാതികൾ [email protected], [email protected] എന്നീ ഇമെയിലുകളിലും അയ്ക്കാം. പി. എഫ്. നമ്പർ, യു.എ.എൻ, പി.പി.ഓ.നമ്പർ, എസ്റ്റാബ്ലിഷ്മെന്റ് നമ്പർ, മൊബൈൽ നമ്പർ, ഇ.എസ്.ഐ ഇൻഷുറൻസ് നമ്പർ, എന്നിവ ബാധകമായത് ചേർത്തിരിക്കണം. പരിപാടി നടക്കുന്ന ദിവസം നേരിട്ടും പരാതി സമർപ്പിക്കാം. കൂടുതൽ വിവരങ്ങൾക്ക്
ഫോൺ : 9847731711 (പിഎഫ്), 9497401056 / 8921247470 (ഇ എസ് ഐ സി).