വാസ്തുവിദ്യാ ഗുരുകുലത്തില്‍ കോഴ്സുകള്‍ക്ക് അപേക്ഷ ക്ഷണിച്ചു

ആറന്മുള വാസ്തുവിദ്യാ ഗുരുകുലത്തില്‍ വിവിധ കോഴ്സുകളിലേക്ക് അപേക്ഷ ക്ഷണിച്ചു. ഒരു വര്‍ഷം ദൈര്‍ഘ്യമുള്ള പോസ്റ്റ് ഗ്രാഡ്വേറ്റ് ഡിപ്ലോമാ ഇന്‍ ട്രഡീഷണല്‍ ആര്‍ക്കിടെക്ചര്‍, സര്‍ട്ടിഫിക്കറ്റ് കോഴ്സ് ഇന്‍ ട്രഡീഷണല്‍ ആര്‍ക്കിടെക്ചര്‍, ചുമര്‍ചിത്രകലയില്‍ സര്‍ട്ടിഫിക്കറ്റ് കോഴ്സ് എന്നിവക്കാണ് അപേക്ഷ ക്ഷണിച്ചത്. പോസ്റ്റ് ഗ്രാഡ്വേറ്റ് ഡിപ്ലോമാ ഇന്‍ ട്രഡീഷണല്‍ ആര്‍ക്കിടെക്ചറിന് 25 സീറ്റുണ്ട്. സിവില്‍ എന്‍ജിനീയറിംഗ്, ആര്‍ക്കി ടെക്ചര്‍ വിഷയങ്ങളില്‍ ബിരുദമാണ് യോഗ്യത. അധ്യയന മാധ്യമം മലയാളമായിരിക്കും. അപേക്ഷ ഫീസ് 200 രൂപ. സര്‍ട്ടിഫിക്കറ്റ് കോഴ്സ് ഇന്‍ ട്രഡീഷണല്‍ ആര്‍ക്കിടെക്ചറിന് എസ്.എസ്.എല്‍.സിയാണ് യോഗ്യത. പ്രായപരിധി 35 വയസ്സ്. ആകെ സീറ്റ് 40 (50 ശതമാനം വിശ്വകര്‍മ്മ വിഭാഗത്തിനായി നീക്കി വെച്ചിരിക്കുന്നു). അപേക്ഷ ഫീസ് 100 രൂപ. ചുമര്‍ചിത്രകല കോഴ്സിന് എസ്. എസ്.എല്‍.സിയാണ് യോഗ്യത. പ്രായപരിധിയില്ല. ആകെ സീറ്റ് 25. അപേക്ഷ ഫീസ് 200 രൂപ.
അപേക്ഷകള്‍ എക്സിക്യുട്ടീവ് ഡയറക്ടര്‍, വാസ്തുവിദ്യാ ഗുരുകുലം, ആറന്മുള, പത്തനംതിട്ട ജില്ല, പിന്‍കോഡ്- 689533 എന്ന വിലാസത്തില്‍ അയക്കണം. കോഴ്സുകള്‍ 2023 ജനുവരി മുതല്‍ ആരംഭിക്കും. അപേക്ഷ ലഭിക്കേണ്ട അവസാന തീയതി ഡിസംബര്‍ 1. www.vasthuvidyagurukulam.com എന്ന വെബ്സൈറ്റിലൂടെ ഓണ്‍ലൈനായും അപേക്ഷകള്‍ സമര്‍പ്പിക്കാം. കൂടുതല്‍ വിവരങ്ങള്‍ക്ക് ഫോണ്‍: 0468-2319740, 9847053294, 9947739442, 9847053293.