ജിജി കെ ഫിലിപ്പിന് ആദരം 15 ന് കട്ടപ്പനയിൽ
മുൻ ജില്ലാ പഞ്ചായത്ത് പ്രിസിഡൻ്റും സാഹിത്യകാരനുമായ ജിജി കെ ഫിലിപ്പിനെ ആദരിക്കുന്നു. യുവകലാസാഹിതി കട്ടപ്പന മണ്ഡലം കമ്മറ്റിയാണ് പ്രോഗ്രാം സംഘടിപ്പിച്ചിരിക്കുന്നത്. ജിജി കെ ഫിലിപ്പിൻ്റെ “നക്ഷത്രപ്പാടം” എന്ന നോവൽ അടുത്തിടെ പ്രസിദ്ധീകരിച്ചിരുന്നു. 2024 ആഗസ്ത് 15 വ്യാഴം വൈകിട്ട് 3ന് കട്ടപ്പന പ്രസ്സ് ക്ലബ് ഹാളിലാണ് ചടങ്ങുകൾ സംഘടിപ്പിച്ചിട്ടുള്ളത് …
സമ്മേളനം നെടുങ്കണ്ടം ബിഎഡ് (BEd) കോളേജ് പ്രിൻസിപ്പലും സാഹിത്യകാരനുമായ ഡോ.രാജീവ് പുലിയൂർ ഉദ്ഘാടനം ചെയ്യും. നോവലിന് അവതാരിക എഴുതിയ ജോസ് കോനാട്ട് പുസ്തക പരിചയം നടത്തും.
യുവകലാസാഹിതി കട്ടപ്പന മണ്ഡലം പ്രസിഡന്റ് രജനി വാകവയലിൽ അധ്യക്ഷത വഹിക്കും. കാഞ്ചിയാർ രാജൻ, സുഗതൻ കരുവാറ്റ, ജോസ് വെട്ടിക്കുഴ , ഇ.ജെ.ജോസഫ്, ബാബു കെ. പൗലോസ്, , കെ.റ്റി.രാജീവ്, എം ഡി വിബിൻ ദാസ് ,എം സി ബോബൻ, എസ്. സൂര്യലാൽ ,സജിദാസ് മോഹൻ, കെ.ആർ.രാജേന്ദ്രൻ, ലിജു ജേക്കബ് അടക്കം ഇടുക്കിയിലെ സാഹിത്യ സാംസ്ക്കാരിക പ്രമുഖർ യോഗത്തിൽ പങ്കെടുക്കും.
