Idukki വാര്‍ത്തകള്‍
വാക്‌സിനേഷന്‍ വാര്‍ഡ് തലത്തില്‍ ആക്കണെമെന്ന് ആവശ്യം
കുമളി: കോവിഡ് വാക്‌സിനേഷന്‍ വാര്‍ഡ് തലത്തില്‍ ആക്കണെമെന്ന് ചക്കുപള്ളം ഗ്രാമപഞ്ചായത്ത് അംഗം ആന്റണി കുഴിക്കാട്ട് ആവശ്യപ്പെട്ടു. 60 വയസിന് മുകളില്‍ പ്രായമുള്ളവര്‍ ഫസ്റ്റ് ഡോസ് കിട്ടാതെയും 100 ദിവസം കഴിഞ്ഞവര്‍ സെക്കന്റ് ഡോസ് കിട്ടാതെയും വിഷമിക്കുകയാണ്. വിവിധ മേഘലകളില്‍ പണിയെടുക്കുന്നവര്‍, പഠനത്തിനും ജോലിക്കും പോകേണ്ടവര്‍, വാക്‌സിന്‍ കിട്ടാതെ വിഷമിക്കുന്ന അവസ്ഥയിലാണ്. ഇവര്‍ എത്ര ശ്രമിച്ചിട്ടും രജിസ്റ്റര്‍ ചെയ്യാന്‍ പറ്റുന്നില്ല.
വളരെ ചെറിയ തോതില്‍ മാത്രമേ രജീസ്‌ട്രേഷന്‍ കിട്ടുന്നുള്ളു. അതിനാല്‍ ആളുകളുടെ ആശങ്ക അകറ്റുവാന്‍ ജില്ലാ ഭരണകൂടവും ആരോഗ്യ വകുപ്പും വാര്‍ഡ് തലത്തില്‍ സ്‌പോട്ട് രജിസ്‌ട്രേഷന്‍ നല്‍കാന്‍ നടപടി സ്വികരിക്കണമെന്ന് ആന്റണി കുഴിക്കാട്ട് ആവശ്യപ്പെട്ടു
