മെറിറ്റ് ഡേയും വിവിധ ക്ലബ്ബുകളുടെ ഉദ്ഘാടനവും
ഇരട്ടയാർ വാഴവര സെന്റ്.മേരീസ് ഹൈസ്‌കൂളില്‍ മെറിറ്റ്‌ഡേയും വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനവും സ്‌കൂള്‍ ഓഡിറ്റോറിയത്തില്‍ നടന്നു. സംസ്ഥാന നാടക അവാര്‍ഡ് ജേതാവ് കെ. സി.ജോര്‍ജ് ഉദ്ഘാടനം നിര്‍വഹിച്ചു.
സ്‌കൂള്‍ മാനേജര്‍ ഫാ. ജോസ് ചെമ്മരപ്പിള്ളില്‍ ചടങ്ങില്‍ അവാർഡ് ജേതാവ് കെ.സി. ജോര്‍ജിനെ ആദരിച്ചു
ഇടുക്കി രൂപത വിദ്യാഭ്യാസ ഏജന്‍സി സെക്രട്ടറി ജോര്‍ജ് തകടിയേല്‍ ചടങ്ങില്‍ മുഖ്യപ്രഭാഷണം നടത്തി. തുടർന്ന് എസ് എസ് എൽ സി പരീക്ഷയിൽ ഫുൾ എപ്ലസ് നേടിയവരെയും രാജ്യപുരസ്‌കാര്‍ ജേതാക്കളെയും വിവിധ മത്സര പരീക്ഷകളിൽ സ്കോളർഷിപ്പുകൾ കരസ്ഥമാക്കിയ കുട്ടികളെയും അനുമോദിച്ചു.
സ്‌കൂള്‍ ഹെഡ്മാസ്റ്റര്‍ മാത്യു ജോസഫ്, മുരിക്കാശ്ശേരി സെന്റ്. മേരീസ് ഹയര്‍ സെക്കന്‍ഡറി സ്‌കൂള്‍ ഹെഡ്മിസ്ട്രസ് ജിജിമോള്‍ മാത്യു , സെന്റ്.മേരീസ് എല്‍. പി. സ്‌കൂള്‍ ഹെഡ്മിസ്ട്രസ് ലിസി ഷാജി, പി.ടി.എ. പ്രസിഡന്റ് ഷാജി മടത്തുംമുറിയില്‍ എം. പി.ടി. എ. പ്രസിഡന്റ് . റെന്‍സി ജോര്‍ജ് ,പൂര്‍വ്വ വിദ്യാര്‍ത്ഥി പ്രതിനിധി എയ്ഞ്ചല്‍ തോമസ് തുടങ്ങിയവര്‍ സംസാരിച്ചു. കുട്ടികളുടെ വിവിധ കലാപരിപാടികളും അരങ്ങേറി.
