400 ലീറ്റർ കോട പിടികൂടി; പ്രതിയെ കിട്ടിയില്ല

നെടുങ്കണ്ടം ∙ ഉടുമ്പൻചോല എക്സൈസ് അധികൃതർ നടത്തിയ പരിശോധനയിൽ റോഡ് പുറമ്പോക്കിൽ നിന്നു 400 ലീറ്റർ കോട പിടികൂടി. കേരള തമിഴ്നാട് അതിർത്തിയോടു ചേർന്നുള്ള സ്ഥലത്താണ് കോട സൂക്ഷിച്ചിരുന്നത്. പ്രതി ആരെന്നു കണ്ടെത്താൻ കഴിഞ്ഞില്ല. റെയ്ഡിൽ പ്രിവന്റീവ് ഓഫിസർ ഡി.സതീഷ് കുമാർ, ഗ്രേഡ് പ്രിവന്റീവ് ഓഫിസർമാരായ എൻ.വി.ശശീന്ദ്രൻ, തോമസ് ജോൺ, സിവിൽ എക്സൈസ് ഓഫിസർമാരായ അരുൺ മുരളീധരൻ, ടിറ്റോ മോൻ ചെറിയാൻ, ബി.പി.ബിലേഷ് എന്നിവരടങ്ങിയ സംഘമാണ് കോട പിടികൂടിയത്.