Idukki വാര്ത്തകള്കേരള ന്യൂസ്പ്രധാന വാര്ത്തകള്പ്രാദേശിക വാർത്തകൾ
നവകേരള സദസ്സിനിടെ മാധ്യമപ്രവർത്തകന് മർദ്ദനം

നെടുംങ്കണ്ടം: നവ കേരള സദസ് നെടുംങ്കണ്ടത്ത് എത്തിയപ്പോൾ മുഖ്യമന്ത്രിയുടെ സുരക്ഷ ഉദ്യോഗസ്ഥൻ മാധ്യമ പ്രവർത്തകനെ മർദ്ദിച്ചു.മംഗളം സീനിയർ ഫോട്ടോഗ്രാഫർ എയ്ഞ്ചൽ അടിമാലിയെയാണ്
ഉദ്യോഗസ്ഥൻ മർദ്ദിച്ചത്.മുഖ്യമന്ത്രിയും മന്ത്രിമാരും സഞ്ചരിച്ച വാഹനം ഉടുമ്പൻചോല മണ്ഡലത്തിലെ നവകേരള സദസ് വേദിയായ നെടുംങ്കണ്ടം സെന്റ് സെബാസ്റ്റ്യൻസ് സ്ക്കൂൾ മൈതാനത്തിന് പുറത്താണ് എത്തിയത്.
ഇവിടെ വച്ച് സ്ഥലം എം എൽ എ എം.എം.മണി മുഖ്യമന്ത്രിക്ക് പൂച്ചെണ്ട് നൽകി സ്വീകരിച്ചാണ്
വേദിയിലേക്ക് ആനയിച്ചത്. ഈ ദൃശ്യങ്ങൾ പകർത്തുന്നതിനിടെയാണ് മംഗളം സീനിയർ ഫോട്ടോഗ്രാഫർ എയ്ഞ്ചൽ അടിമാലിയെ മുഖ്യമന്ത്രിയുടെ മുഖ്യ സുരക്ഷ ഉദ്യോഗസ്ഥൻ കഴുത്തിന് പിടിച്ച് തള്ളിയത്. ആദ്യം തള്ളിയപ്പോൾ മാധ്യമ പ്രവർത്തകനാണെന്ന് പറഞ്ഞങ്കിലും പിന്നീടും മർദ്ദിക്കുകയായിരുന്നു.