INTUC യുടെ നേതൃത്വത്തിൽ 16 ന് കട്ടപ്പന ഹെഡ് ലോഡ് ഉപ സമിതി ഓഫീസിനു മുന്നിൽ പ്രതിഷേധ ധർണ്ണ

ഹെഡ്ലോഡ് ഫെഡറേഷന്റെ സംസ്ഥാന കമ്മിറ്റി യോഗം 2025 ഒക്ടോബർ 4 ശനിയാഴ്ച
എറണാകുളം ഐഎൻടിയുസി ഓഫീസിൽ ചേരുകയുണ്ടായി.

ഹെഡ് ലോഡ് മേഖലയിലെ വിവിധ വിഷയങ്ങൾ യോഗം വിശദമായി ചർച്ച ചെയ്തു. ചർച്ചകൾക്കു ശേഷം കൈക്കൊണ്ട തീരുമാനങ്ങൾ :

(1)ഒക്ടോബർ 16 -ാം തീയതി സംസ്ഥാനത്തെ എല്ലാ ഹെഡ് ലോഡ്ഉപസമിതി ഓഫീസുകൾക്ക് മുമ്പിലും ചുമട്ടുതൊഴിലാളികളുടെ പ്രതിഷേധ ധർണ്ണ നടത്താൻ തീരുമാനിച്ചു.
അതാതു മേഖലയിലെ ഉപസമിതിക്ക് കീഴിൽ വരുന്ന എല്ലാ തൊഴിലാളികളും അന്ന് ജോലി ഒഴിവാക്കി ഈ പ്രതിഷേധ സമരത്തിൽ പങ്കെടുക്കേണ്ടതാണ്.

ഇതുമായി ബന്ധപ്പെട്ടുന്നയിക്കുന്ന പ്രധാനപ്പെട്ട ആവശ്യങ്ങൾ:

1. ചുമട്ടുതൊഴിലാളി നിയമം
   കാലോചിതമായി പരിഷ്കരിക്കുക
2. ചുമട്ടുതൊഴിലാളികൾക്ക് മെച്ചപ്പെട്ട ചികിത്സാ സൗകര്യങ്ങൾ ഇപ്പോൾ ലഭിക്കുന്നില്ല എന്നതു പരിഗണിച്ച് തൊഴിലാളികൾക്കും കുടുംബാംഗങ്ങൾക്കും ഫലപ്രഥമായ ചികിത്സ ലഭിക്കുന്നതിന് ഇ എസ് ഐ പദ്ധതി നടപ്പാക്കണം.
3. ക്ഷേമനിധി ആനുകൂല്യങ്ങൾ വിദ്യാഭ്യാസം വിവാഹം ചികിത്സ മരണാനന്തരചെലവുകൾ തുടങ്ങിയവ യഥാസമയം വിതരണം ചെയ്യാനുള്ള ഊർജ്ജതമായ നടപടികൾ കൈക്കൊള്ളണം
4. ക്ഷേമനിധി ആനുകൂല്യങ്ങൾ കാലോചിതമായി പരിഷ്കരിക്കുകയും വർദ്ധിപ്പിക്കുകയും വേണം
5. ചുമട്ടു തൊഴിലാളികൾക്ക് 26 -എ കാർഡ് അനുവദിക്കുമ്പോൾ ജില്ലാ ക്ഷേമ ബോർഡുകളുടെ അഭിപ്രായം കൂടി പരിഗണിച്ച ശേഷമേ എ എൽ ഒ മാർ കാർഡുകൾ വിതരണം ചെയ്യാവൂ
6. സ്കാറ്റഡ് മേഖലയിലെ തൊഴിലാളികൾക്ക് അവർ ക്ഷേമ ബോർഡിലേക്ക് അടച്ച അംശാദായ തുക വിരമിക്കുമ്പോൾ തിരിച്ചു നൽകേണ്ടത് യഥാസമയം നൽകുന്നില്ല തൊഴിലാളികൾ പിരിയുന്ന മുറയ്ക്ക് ഒരാഴ്ചയ്ക്കുള്ളിൽ അടച്ച തുകയും പെൻഷനും വിതരണം ചെയ്യാൻ നടപടി സ്വീകരിക്കുക.
7. സ്കാറ്റേഡ് വിഭാഗം തൊഴിലാളികളെ ഇപ്പോൾ ക്ഷേമനിധികളിൽ ചേർക്കുന്നില്ല. സോഫ്റ്റ്‌വെയർ തകരാറാണ് കാരണമായി പറയുന്നത് ഇതു പരിഹരിച്ച് പുതുതായി അംഗത്വം എടുത്ത തൊഴിലാളികളെ ക്ഷേമനിധിയിൽ അംഗങ്ങളാക്കുക.
8. സ്കാറ്റേഡ് വിഭാഗം തൊഴിലാളികളുടെ പെൻഷൻ തുക വർദ്ധിപ്പിക്കുക
9. 26 എ . കാർഡുകൾ ഉള്ള തൊഴിലാളികൾക്ക് ആനുകൂല്യങ്ങൾ വർദ്ധിപ്പിക്കുക
10. എൻഎഫ്എ |സിവിൽ സപ്ലൈസ് | എഫ് സി ഐ ഗോഡൗണുകളിലെ തൊഴിലാളികളുടെ തൊഴിൽ സുരക്ഷ ഉറപ്പുവരുത്തുകയും മന്ത്രിമാരുടെ സാന്നിധ്യത്തിൽ ചർച്ചചെയ്ത് അംഗീകരിച്ച കരാർ നടപ്പാക്കുകയും ചെയ്യുക
11. ബെവ്കോ ജീവനക്കാരുടെ കൂലി വർദ്ധിപ്പിച്ച് ഉത്തരവായെങ്കിലും അത് നടപ്പാക്കുന്ന കാര്യത്തിൽ എല്ലായിടങ്ങളിലും തീരുമാനമായിട്ടില്ല കരാർ വ്യവസ്ഥകൾ നിർബന്ധമായും
    നടപ്പാക്കാൻ നടപടികൾ സ്വീകരിക്കുക.
12. ബെവ്കോ ഗോഡൗണുകളിൽ ജോലി ചെയ്യുന്ന ജീവനക്കാരുടെ ശമ്പളം വർധിപ്പിക്കുകയും കുടിശികവിതരണം ചെയ്യുകയും ചെയ്യുക – തുടങ്ങിയ ആവശ്യങ്ങൾ ഉന്നയിച്ചാണ് പ്രക്ഷോഭ സമരങ്ങൾ നടത്താൻ തീരുമാനിച്ചിരിക്കുന്നത്