ജോൺ പോൾ മെമ്മോറിയൽ ബി. എഡ് കോളേജിൽ ബിരുദ ദാന ചടങ്ങും അവാർഡ് വിതരണവും നടത്തപ്പെട്ടു

ലബ്ബക്കട: ജോൺ പോൾ മെമ്മോറിയൽ ബി. എഡ് കോളേജിലെ 2021- 2023 അദ്ധ്യയന വർഷത്തെ ബി. എഡ് വിദ്യാർത്ഥികളുടെ ബിരുദദാനചടങ്ങ് കോളേജ് ഓഡിറ്റോറിയത്തിൽ വച്ച് നടത്തപെട്ടു.

ചടങ്ങിൽ കോളേജ് മാനേജർ റവ. ഫാദർ അബ്രഹാം പാനിക്കുളങ്ങര അധ്യക്ഷത വഹിച്ചു. യോഗം എം. ജി സർവകലാശാല വൈസ് ചാൻസിലർ ഡോ. സി.റ്റി അരവിന്ദകുമാർ ഉദ്ഘാടനം ചെയ്തു. 100 ശതമാനം വിജയവും പതിമൂന്ന് റാങ്കും അടക്കം 73 A+ ഗ്രേഡും ലഭിച്ചു. റാങ്ക് ലഭിച്ചവർക് എം. ജി സർവകലാശാല വൈസ് ചാൻസിലർ ഉപഹാരങ്ങൾ സമ്മാനിച്ചു. പ്രസ്‌തുത ചടങ്ങിൽ ഹൈറേഞ്ച് മേഖലയിലെ ഉന്നത വിദ്യാഭാസത്തിൽ ജോൺ പോൾ മെമ്മോറിയൽ ബി. എഡ് കോളേജ് വഹിക്കുന്ന പങ്കിനെ വൈസ്‌ചാൻസിലർ പ്രത്യേകം അനുമോദിച്ചു.

വിജയിച്ചവരെ കോളേജ് മാനേജർ റവ. ഫാദർ അബ്രഹാം പാനിക്കുളങ്ങര, കോളേജ് പ്രിൻസിപ്പൽ ഡോ. മഞ്ജു ജോസഫ്, ബർസാർ ഫാദർ ജോബിൻ പേനാട്ടുക്കുന്നേൽ, അധ്യാപകർ എന്നിവർ അനുമോദിച്ചു.