20 കിലോഗ്രാം ചന്ദനം കണ്ടെടുത്ത സംഭവത്തിൽ ഒരാൾ കൂടി പിടിയിൽ

വണ്ടിപ്പെരിയാർ : 20 കിലോഗ്രാം ചന്ദനം കണ്ടെടുത്ത സംഭവത്തിൽ ഒരാൾ കൂടി പിടിയിൽ . ഉപ്പുതറ സ്വദേശി യേശുദാസിനെ (42) ആണ് വനം വനപാലകർ അറസ്റ്റു ചെയ്തത്. കേസിൽ കഴിഞ്ഞ ദിവസം ഏലപ്പാറ കോഴിക്കാനം സ്വദേശി പുതുപറമ്പിൽ ബിനീഷിനെ (39) പിടികൂടിയിരുന്നു. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു. ചന്ദനം വിൽക്കുന്നതിനു വേണ്ടി വണ്ടിപ്പെരിയാറിൽ എത്തിയപ്പോൾ ആണ് ബിനീഷ് വനം വകുപ്പിന്റെ വലയിലായത് . ഹെലിബറിയ ചപ്പാത്തിലെ സ്വകാര്യ വ്യക്തിയുടെ പറമ്പിൽ നിന്ന് രാത്രിയിൽ വെട്ടിയതാണ് ചന്ദനം എന്ന് ബിനീഷ് മൊഴി നൽകിയിരുന്നു. കേസിലെ മറ്റു പ്രതികൾക്കായി അന്വേഷണം ആരംഭിച്ചു.