മരംവീണ് വളകോട് സബ് സെന്റർ ഭാഗികമായി തകർന്നു

ഉപ്പുതറ : മരം കടപുഴകി വീണ് വളകോട് സബ് സെന്ററിന് കേടുപാട് സംഭവിച്ചു. ശനിയാഴ്ച രാത്രിയിലാണ് അപകടം. ഉപ്പുതറ കമ്മ്യൂണിറ്റി ഹെൽത്ത് സെന്ററിലെ ജൂനിയർ ഹെൽത്ത് ഇൻസ്പെക്ടറും, ജൂനിയർ പബ്ലിക് ഹെൽത്ത് നഴ്സും ഇവിടെ താമസിച്ചാണ് ജോലി ചെയ്തിരുന്നത്.

അപകടസമയം ഇവർ സ്ഥലത്ത് ഉണ്ടായിരുന്നില്ല. കെട്ടിടത്തിലെ ചിമ്മിനിയുടെ ഭാഗം തകർന്നു. മറ്റു ചിലഭാഗങ്ങളിലും കേടുപാടുകൾ സംഭവിച്ചിട്ടുണ്ട്.