അടിസ്ഥാന സൗകര്യ വികസനം സമയബന്ധിതമാക്കുവാൻ ഡി ഡി സി യുടെ സന്ദർശനം

ജില്ലാ വികസന കമ്മീഷണർ അർജുൻ പാണ്ഡ്യൻ പീരുമേട് കൊക്കയാർ പഞ്ചായത്ത് പി എച്ച് സി സന്ദർശിച്ചു. അടിസ്ഥാന സൗകര്യ വികസനങ്ങളെ കുറിച്ച് പഞ്ചായത്ത് പ്രസിഡന്റുമായി ചർച്ച നടത്തി. പി എച്ച് സി ക്കായി പുതിയ കെട്ടിടം വർഷങ്ങൾക്കു മുമ്പ് നിർമിച്ചത് ഉപയോഗിക്കാതെ കിടക്കുന്നത് ഡിഡി സി സന്ദർശിച്ചു.

കെട്ടിടത്തിന്റെ ശോചനീയാവസ്ഥ പരിഹരിച്ച് കെട്ടിടം പുനർനിർമിക്കാൻ നടപടി സ്വീകരിക്കാൻ ജില്ലാ വികസന കമ്മീഷണറുടെ സന്ദർശനം ഗുണംചെയ്യുമെന്ന് കൊക്കയാർ പഞ്ചായത്ത് പ്രസിഡന്റ് പ്രിയ പറഞ്ഞു. പീരുമേട് താലൂക്ക് ആശുപത്രിയിലെ അടിസ്ഥാനസൗകര്യ വികസനത്തിനും നടപടി സ്വീകരിക്കുമെന്നും ആശുപത്രി സന്ദർശിച്ച ശേഷം ഡി ഡി സി അറിയിച്ചു.