പ്രധാന വാര്‍ത്തകള്‍പ്രാദേശിക വാർത്തകൾ
സ്‌കൂള്‍ ബസ് ഡ്രൈവര്‍മാര്‍ക്കായി മോട്ടോര്‍ വാഹന വകുപ്പ് നടത്തുന്ന റോഡ് സുരക്ഷാ ബോധവല്‍ക്കരണ പരിപാടി നടത്തപ്പെടുന്നു
നെടുങ്കണ്ടം: സ്‌കൂള്‍ ബസ് ഡ്രൈവര്‍മാര്‍ക്കായി മോട്ടോര്‍ വാഹന വകുപ്പ് നടത്തുന്ന റോഡ് സുരക്ഷാ ബോധവല്‍ക്കരണ പരിപാടിയുടെ ഭാഗമായി ജില്ലയിലെ പരിശീലന പരിപാടി വെള്ളിയാഴ്ച്ച അണക്കര മൗണ്ട് ഫോര്‍ട്ട് സ്‌കൂളില്‍ വച്ചും, ശനിയാഴ്ച്ച രാജാക്കാട് ക്രിസ്തുജ്യോതി ഹയര്‍ സെക്കന്ററി സ്‌കൂളില്‍ വച്ചും നടക്കും. രാവിലെ 8.30 മുതല്‍ വൈകുന്നേരം 4.30 വരെയാണ് ക്ലാസ് നടത്തുന്നത്. മോട്ടോര്‍ വാഹന വകുപ്പ്, കേരള പോലീസ്, എക്സൈസ്, ഫയര്‍ ഫോഴ്സ്, ആരോഗ്യ വകുപ്പ് എന്നിവരാണ് ക്ലാസുകള്‍ക്ക് നേതൃത്വം നല്‍കുന്നത്. ഈ പരിപാടിയില്‍ പരിശീലനം പൂര്‍ത്തിയാക്കാത്ത ഡ്രൈവര്‍മാര്‍ക്ക് ജൂണ്‍ ഒന്ന് മുതല്‍ സ്‌കൂള്‍ ബസുകള്‍ ഓടിക്കുവാന്‍ അനുമതി ലഭിക്കില്ലെന്ന് ഉടുമ്പന്‍ചോല ജോയിന്റ് ആര്‍.ടി.ഒ അറിയിച്ചു.
