പ്രധാന വാര്‍ത്തകള്‍
പ്രണയദിനത്തില്‍ കാമുകിക്ക് സമ്മാനം നല്‍കാനുള്ള പണം കണ്ടെത്താന്‍ ആടിനെ മോഷ്ടിച്ച യുവാവും സുഹൃത്തും പിടിയില്‍
ചെന്നൈ: പ്രണയദിനത്തില്‍ കാമുകിക്ക് സമ്മാനം നല്‍കാനുള്ള പണം കണ്ടെത്താന്‍ ആടിനെ മോഷ്ടിച്ച യുവാവും സുഹൃത്തും പിടിയില്‍.വിഴുപുരം ജില്ലയിലെ മലയരശന്‍കുപ്പത്തിലാണ് സംഭവം.
കോളേജ് വിദ്യാര്‍ഥിയായ അരവിന്ദ്കുമാറാണ് (20) സുഹൃത്ത് മോഹനുമായി (20) ചേര്‍ന്ന് ഗ്രാമത്തിലെ കര്‍ഷകയുടെ വീട്ടില്‍നിന്ന് ആടിനെ മോഷ്ടിച്ചത്. തുടര്‍ന്ന്, ബൈക്കില്‍ രക്ഷപ്പെടാന്‍ ശ്രമിക്കുന്നതിനിടെ കര്‍ഷക ബഹളമുണ്ടാക്കിയതോടെ നാട്ടുകാര്‍ യുവാക്കളെ പിന്തുടര്‍ന്ന് പിടികൂടി.
പോലീസ് ചോദ്യംചെയ്തപ്പോള്‍ കാമുകിക്ക് പ്രണയദിനസമ്മാനം വാങ്ങാന്‍ പണത്തിനായിട്ടാണ് ആടിനെ മോഷ്ടിച്ചതെന്ന് അരവിന്ദ് മൊഴിനല്‍കി. ആടിനെ ചന്തയില്‍ കൊണ്ടുപോയി വിറ്റ് പണം കണ്ടെത്താനായിരുന്നു പദ്ധതി. ഇതിനായി മോഹന്റെ സഹായം തേടുകയായിരുന്നു.
