ഇടുക്കി അണക്കരയിൽ ഏലത്തോട്ടം സൂപ്പർവൈസറെ പടുതാക്കുളത്തിൽ വീണ് മരിച്ച നിലയിൽ കണ്ടെത്തി

ഏലത്തോട്ടം സൂപ്പർവൈസറെ പടുതാക്കുളത്തിൽ വീണ് മരിച്ച നിലയിൽ കണ്ടെത്തി. അണക്കരയ്ക്ക് സമീപം കടശ്ശിക്കടവിലെ സ്വകാര്യ ഏലത്തോട്ടത്തിലെ കുളത്തിലാണ് മൃതദേഹം കാണപ്പെട്ടത്. ചെല്ലാർകോവിൽ മുതിരക്കുന്നേൽ ഏലിയാച്ച(60)നാണ് മരിച്ചത്.കടശ്ശിക്കടവ് പൊട്ടൻകുളം എസ്റ്റേറ്റിൽ വർഷങ്ങളായി സൂപ്പർവൈസർ ജോലി ചെയ്തു വരികയായിരുന്നു. കഴിഞ്ഞ രണ്ടു ദിവസമായി അവധിയിലായിരുന്നു എന്ന് പറയപ്പെടുന്നു. ഇന്ന് രാവിലെ ഏലത്തോട്ടത്തിൽ എത്തിയ തൊഴിലാളികളാണ് പടുതാക്കുളത്തിൽ മൃതദേഹം കണ്ടത്. വണ്ടൻമേട് പോലീസ് അസ്വഭാവിക മരണത്തിന് കേസ് എടുത്തു. മൃതദേഹം പോസ്റ്റുമോർട്ടത്തിനായി കട്ടപ്പന താലൂക്ക് ആശുപത്രിയിലേക്ക് മാറ്റി. ഭാര്യ: പെണ്ണമ്മ. മക്കൾ : അനീഷ്, ആൻസി.