രമ്യ ഹരിദാസ് എം പിയെ മൊബൈല്‍ ഫോണില്‍ വിളിച്ച്‌ നിരന്തരം അസഭ്യം പറയുകയും ഭീഷണിപ്പെടുത്തുകയും ചെയ്തിരുന്നയാളെ പോലീസ് അറസ്റ്റ് ചെയ്തു
പാലക്കാട് | രമ്യ ഹരിദാസ് എം പിയെ മൊബൈല്‍ ഫോണില്‍ വിളിച്ച്‌ നിരന്തരം അസഭ്യം പറയുകയും ഭീഷണിപ്പെടുത്തുകയും ചെയ്തിരുന്നയാളെ വടക്കഞ്ചേരി പോലീസ് അറസ്റ്റ് ചെയ്തു.കോട്ടയം കണ്ണിമല സ്വദേശി ഷിബുക്കുട്ട (48) നെയാണ് എം പിയുടെ പരാതിയില്‍ പോലീസ് അറസ്റ്റ് ചെയ്തത്. നിരവധി തവണ താക്കീത് ചെയ്തിട്ടും ഇയാള്‍ ശല്യം തുടര്‍ന്നതോടെ എം പി പോലീസില്‍ പരാതി നല്‍കുകയായിരുന്നു.അര്‍ദ്ധരാത്രിയില്‍ ഉള്‍പ്പെടെ വിവിധ സമയങ്ങളില്‍ എം പിയുടെ ഫോണില്‍ വിളിച്ചിരുന്ന ഇയാളെ നിരവധി തവണ താക്കീത് ചെയ്തിട്ടും ശല്യം തുടര്‍ന്നതോടെ രമ്യാ ഹരിദാസ് എം പി പോലീസില്‍ പരാതി നല്‍കുകയായിരുന്നു. ജില്ലാ പൊലീസ് മേധാവി ആര്‍ വിശ്വനാഥിന്റെ നിര്‍ദേശ പ്രകാരം വടക്കഞ്ചേരി പോലീസാണ് കോട്ടയം തുമരംപാറയില്‍ നിന്ന് ഷിബുകുട്ടനെ കസ്റ്റഡിയിലെടുത്തത്. ഇന്ന് പുലര്‍ച്ചെ നാല് മണിക്ക് തുമരംപാറയില്‍ വച്ചാണ് ഇയാളെ കസ്റ്റഡിയിലെടുത്തത്.രണ്ട് നമ്ബറുകളില്‍ നിന്നായാണ് പ്രതി പല തവണ എംപിയെ വിളിച്ച്‌ ഭീഷണിപ്പെടുത്തിയിരുന്നതെന്ന് പോലീസ് പറഞ്ഞു. എന്നാല്‍ ഭീഷണിപ്പെടുത്താനുണ്ടായ കാരണമെന്തെന്ന് വ്യക്തമല്ല.
