വിജയാരവം മുഴക്കി ഇടുക്കിയിൽ റോഷിയുടെ റോഡ് ഷോ

കട്ടപ്പന:വിജയാരവം മുഴക്കി ഇടുക്കിയിൽ എൽ.ഡിഎ.ഫ് സ്ഥാനാർത്ഥി റോഷി അഗസ്റ്റിൻ്റെ റോഡ് ഷോ. ആയിരങ്ങൾ പങ്കെടുത്ത റോഡ് ഷോ ഈസ്റ്റർ ദിനത്തിൽ രാവിലെ 9 മണിക്ക് കാഞ്ചിയാർ പഞ്ചായത്തിൽ ലബ്ബക്കടയിൽ നിന്നാണ് ആരംഭിച്ചത്. നിരവധി വാഹനങ്ങളുടെ അകമ്പടിയോടെ നടത്തിയ റോഡ് ഷോ നരിയംപാറ, വള്ളക്കടവ്, കട്ടപ്പന വെള്ളയാംകുടി,
കാൽവരിമൗണ്ട്, തങ്കമണി, പ്രകാശ്, മുരിക്കാശ്ശേരി, കഞ്ഞിക്കുഴി വഴി ചെറുതോണിയിൽ സമാപിച്ചു. വഴിയോരങ്ങളിൽ കാത്തുനിന്ന പ്രവർത്തകർ ആവേശോജ്വലമായ സ്വീകരണമാണ് സ്ഥാനാർത്ഥിക്ക് നൽകിയത്.

തുടർ ഭരണം പൊതു മുദ്രാവാക്യമായി ജനങ്ങൾ ഏറ്റെടുത്തു കഴിഞ്ഞ സാഹചര്യത്തിൽ വരാൻപോകുന്ന എൽ.ഡി.എഫ് സർക്കാരിൽ ഇടപെട്ട് ഇടുക്കിയെ കൂടുതൽ മിടുക്കിയാക്കുമെന്നും റോഷി അഗസ്റ്റിൻ പറഞ്ഞു.