അജ്ഞാത ജീവി ആടിനെ കടിച്ചുകൊന്നു തിന്നു
നെടുങ്കണ്ടം: പാന്പാടുംപാറയില്‍ അജ്ഞാത ജീവി ആടിനെ കടിച്ചുകൊന്നു തിന്നു. തെക്കേക്കുരിശുമല ആനന്ദഭവനില്‍ പ്രഭുവിന്‍റെ വീട്ടില്‍ വളര്‍ത്തിയിരുന്ന രണ്ട് ആടുകളില്‍ ഒന്നിനെയാണ് ജീവി കടിച്ചുകൊന്നത്.
മറ്റൊരു ആടിനെ കാണാതാകുകയും ചെയ്തു.
ഇന്നലെ പുലര്‍ച്ചെ വീട്ടുകാര്‍ ആട്ടിന്‍കൂട്ടിന്‍ എത്തിയപ്പോഴാണ് സമീപത്തായി ആടിനെ ചത്തനിലയില്‍ കണ്ടത്. ആടിന്‍റെ തൊലി ഒഴികെ ബാക്കിഭാഗങ്ങള്‍ പൂര്‍ണമായും തിന്ന നിലയിലായിരുന്നു. കൂടിനു സമീപത്തായി പുലിയുടേതിനു സമാനമായ കാല്‍പ്പാടുകള്‍ കണ്ടെത്തിയിട്ടുണ്ട്.
വീട്ടുകാര്‍ അറിയിച്ചതനുസരിച്ച്‌ വനം ഉദ്യോഗസ്ഥരും പഞ്ചായത്ത് അധികൃതരും സ്ഥലത്തെത്തി പരിശോധന നടത്തി. കണ്ടെത്തിയ കാല്‍പ്പാടുകള്‍ പൂച്ചപ്പുലിയുടേതാണെന്നു ഫോറസ്റ്റ് ഉദ്യോഗസ്ഥര്‍ സ്ഥിരീകരിച്ചു.
