പ്രധാന വാര്‍ത്തകള്‍
വിദ്യാഭ്യാസ സ്ഥപാന വാഹനങ്ങളുടെ കാര്യക്ഷമത പരിശോധിക്കും
സ്‌കൂള്‍ തുറക്കുന്നതിന് മുന്നോടിയായി ഇടുക്കി റീജിയണല്‍ ട്രാന്‍സ്‌പോര്‍ട്ട് ഓഫീസിന്റെ പരിധിയിലുള്ള സ്‌കൂള്‍ കോളേജ് ബസ്സുകളുടെ കാര്യക്ഷമത പരിശോധിക്കും. മെയ് 30 ന് (തിങ്കള്‍) കട്ടപ്പന ഓസ്സാനം ഹയല്‍ സെക്കന്‍ഡറി സ്‌കൂള്‍ ഗ്രൗണ്ടിലും, മെയ് 31 ന് (ചൊവ്വ) രാജമുടി ഡീപോള്‍ സ്‌കൂള്‍ ഗ്രൗണ്ടിലും രാവിലെ 10.00 മണിക്ക് സ്‌കൂള്‍/കോളേജ് വാഹനങ്ങളുടെ കാര്യക്ഷമത പരിശോധിക്കും. ഇടുക്കി ആര്‍ ടി ഓഫീസിന്റെ പരിധിയിലുള്ള എല്ലാ വാഹനങ്ങളും കുറ്റമറ്റതാക്കി ജിപിഎസ് ഘടിപ്പിച്ചും, അപേക്ഷകളും രേഖകളും സഹിതം വാഹനം ഹാജരാക്കണം.
