ക്രിസ്റ്റ്യൻസൻ ഇനി ബാഴ്സലോണയുടെ ഡിഫൻസിലേക്ക്

ചെൽസിയുടെ സെന്റർ ബാക്കായ ക്രിസ്റ്റ്യൻസൺ ഇനി ക്ലബ്ബിൽ തുടരില്ല. ഇന്ന് ചെൽസി പരിശീലകൻ തുഷൽ ക്രിസ്റ്റ്യൻസ് ക്ലബ് വിടുന്നതായി സ്ഥിരീകരിച്ചു. ഫ്രീ ഏജന്റായ ക്രിസ്റ്റ്യൻസൺ ചെൽസിയിലെ കരാർ പുതുക്കില്ലെന്ന് നേരത്തെ വ്യക്തമാക്കിയിരുന്നു. ഇനി അദ്ദേഹം ബാഴ്സലോണയിലേക്ക് പോകും. ക്രിസ്റ്റ്യൻസെനും ബാഴ്സലോണയും തമ്മിൽ നേരത്തെ തന്നെ ധാരണയിലെത്തിയിരുന്നു. ഈ സീസൺ അവസാനത്തോടെ ബാഴ്സലോണ ക്രിസ്റ്റ്യൻസൻറെ വരവ് ഔദ്യോഗികമായി പ്രഖ്യാപിക്കും.

2012 മുതൽ ക്രിസ്റ്റ്യൻസെൻ ചെൽസിക്കൊപ്പമുണ്ട്. 26 കാരനായ താരം ഇതുവരെ ചെൽസിക്കായി നൂറിലധികം മത്സരങ്ങൾ കളിച്ചിട്ടുണ്ട്. ഡെൻമാർക്ക് ദേശീയ ടീമിനായി 50 മത്സരങ്ങൾ ക്രിസ്റ്റ്യൻസെൻ കളിച്ചിട്ടുണ്ട്. ചെൽസിക്കൊപ്പം ചാമ്പ്യൻസ് ലീഗ് ഉൾപ്പെടെ നാൽ കിരീടങ്ങൾ അദ്ദേഹം നേടിയിട്ടുണ്ട്.