മെയ്ദിന കായികമേള പൈനാവ് പൂര്‍ണ്ണിമ ക്ലബ്ബില്‍..

മെയ്ദിന കായികമേള പൈനാവ് പൂര്‍ണ്ണിമക്ലബ്ബില്‍ ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ 2022 ലെ ജില്ലാതല മെയ് ദിന കായിക മേളയുടെ ഭാഗമായി ലോക തൊഴിലാളിദിനമായ മെയ് 1 ന് ഷട്ടില്‍ ബാഡ്മിന്റണ്‍ മത്സരങ്ങള്‍ പൈനാവ് പൂര്‍ണ്ണിമ ക്ലബ്ബില്‍വെച്ച് നടക്കും . പുരുഷന്മാര്‍ക്കും (ഡബിള്‍സ്, സിംഗിള്‍സ്) വനിതകള്‍ക്കും (സിംഗിള്‍സ്) മത്സരങ്ങള്‍ ഉണ്ടായിരിക്കും.

ഡബിള്‍സ് മത്സരവിജയികളാകുന്ന ഒന്ന്, രണ്ട് സ്ഥാനക്കാര്‍ക്ക് 1,501/- രൂപാ, 1001/- രൂപാ വീതവും സിംഗിള്‍സ് വിജയികളാകുന്ന ഒന്ന്, രണ്ട് സ്ഥാനക്കാര്‍ക്ക് യഥാക്രമം 1001/-രൂപാ, 501/-രൂപാ വീതം ക്യാഷ് അവാര്‍ഡും നല്‍കും. മത്സരത്തില്‍ പങ്കെടുക്കാനാഗ്രഹിക്കുന്നവര്‍ അംഗീകൃത തൊഴിലാളി യൂണിയന്‍ മുഖേനയോ, കമ്പനി/വ്യവസായസ്ഥാപന മേലധികാരികള്‍ മുഖേനയോ ഏപ്രില്‍ 30 ന് വൈകിട്ട് 3 മണിക്ക് മുമ്പായി ഇടുക്കി ജില്ലാസ്‌പോര്‍ട്‌സ് കൗണ്‍സില്‍ ഓഫീസില്‍ രജിസ്‌ട്രേഷന്‍ നടത്തണം. പങ്കെടുക്കാനുള്ളവര്‍ മെയ് 1 ന് രാവിലെ 7.30 ന് പൈനാവ് പൂര്‍ണ്ണിമ ക്ലബ്ബില്‍ ബന്ധപ്പെട്ട രേഖകളുമായി എത്തിച്ചേരേണ്ടതാണ്. വിവരങ്ങള്‍ക്ക് ഫോണ്‍: 04862 - 232499, 9447243224.