വനിതാരത്ന പുരസ്‌കാരം 2021 അപേക്ഷിക്കാം
വിവിധ മേഖലകളില്‍ സ്തുത്യര്‍ഹമായ നേട്ടങ്ങള്‍ കൈവരിച്ച വനിതകളെ ആദരിക്കുന്നതിനായി സംസ്ഥാന സര്‍ക്കാര്‍ നല്‍കുന്ന അവാര്‍ഡ് വനിതാ രത്ന പുരസ്‌കാരം 2021 ന് അപേക്ഷ/നോമിനേഷന്‍ ക്ഷണിച്ചു. 2021 ലെ വനിതാരത്ന പുരസ്‌കാരത്തിന് സാമൂഹ്യസേവനം, കായികരംഗം, പ്രതികൂല സാഹചര്യങ്ങളെ അതിജീവിച്ച് ജീവിതവിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം, വിദ്യാഭ്യാസ മേഖലകളിലും ശാസ്ത്ര സാങ്കേതിക മേഖലകളിലും വ്യക്തിമുദ്ര പതിപ്പിച്ച വനിതകള്‍ക്ക് അപേക്ഷിക്കാം.
ഓരോ പുരസ്‌കാര ജേതാവിനും ഒരു ലക്ഷം രൂപയും ശില്പവും പ്രശസ്തി പത്രവും നല്‍കുന്നു. അവാര്‍ഡിന് അപേക്ഷിക്കുവാന്‍ താല്‍പര്യമുള്ളവര്‍ ഇടുക്കി ജില്ലാ വനിത ശിശു വികസന ഓഫീസില്‍ ഫെബ്രുവരി 15 നകം അപേക്ഷ സമര്‍പ്പിക്കണം. അപേക്ഷയോടൊപ്പം പ്രവര്‍ത്തന മേഖല വിശദീകരിക്കുന്ന രേഖകള്‍ (പുസ്തകം, സിഡികള്‍, ഫോട്ടോകള്‍,പത്രകുറിപ്പ്) എന്നിവ ഉള്‍പ്പെടുത്തേണ്ടതാണ്.
