എം ഡി എം ലഹരി വസ്തുവുമായി ഇരുപത്കാരിയുൾപ്പടെ രണ്ട് പേർ കുമളിയിൽ പിടിയിലായി.

കുമളി: നിരോധിത ലഹരി ഉല്‍പ്പന്നവുമായി യുവാവും യുവതിയും എക്‌സൈസിന്റെ പിടിയില്‍. പെരുവന്താനം മുറിഞ്ഞപുഴ സ്വദേശി ഷെഫിന്‍ മാത്യു (32), സുഹൃത്ത് കൊടുങ്ങല്ലൂര്‍ സ്വദേശിനി സാന്ദ്ര മോഹന്‍ (20) എന്നിവരാണ് പിടിയിലായത്. ഇവരില്‍ നിന്നും 0.06 ഗ്രാം എം.ഡി.എം.എ കണ്ടെടുത്തു. കുമളിയിലെ റിസോര്‍ട്ടില്‍ മുറിയെടുത്തിരുന്ന യുവതിയും യുവാവും രാവിലെ പരുന്തുംപാറയിലെത്തിയിരുന്നു. രഹസ്യ വിവരത്തെ തുടര്‍ന്ന് എക്‌സൈസ് സംഘം ഇരുവരെയും ചോദ്യം ചെയ്തപ്പോഴാണ് മയക്കുമരുന്ന് കണ്ടെടുത്തത്. ഇവരുടെ മുറിയില്‍ പരിശോധന നടത്തിയെങ്കിലും കൂടുതല്‍ മയക്കുമരുന്ന് കണ്ടെത്താനായിട്ടില്ല. ഷെഫിന്‍ എറണാകുളത്ത് വാഹന കച്ചവടം നടത്തുകയാണ്. സാന്ദ്ര നേഴ്‌സാണന്നാണ് മൊഴി നല്‍കിയിട്ടുള്ളത്. ഇരുവരെയും കോടതിയില്‍ ഹാജരാക്കും.