കാലവര്ഷം കനക്കും, നാളെ മൂന്ന് ജില്ലകളില് റെഡ് അലേര്ട്ട്; ഇന്ന് സംസ്ഥാന വ്യാപകമായി മഴ
സംസ്ഥാനത്ത് കാലവര്ഷം കനക്കുന്നു. വടക്കന് ജില്ലകളില് നാളെ അതിതീവ്ര മഴയ്ക്ക് സാധ്യത. നാളെ മൂന്ന് ജില്ലകളില് റെഡ് അലേര്ട്ട് പ്രഖ്യാപിച്ചു. കാസര്ഗോഡ്, കണ്ണൂര്, കോഴിക്കോട് ജില്ലകളിലാണ് റെഡ് അലേര്ട്ട് പ്രഖ്യാപിച്ചത്. വയനാട് മലപ്പുറം ജില്ലകളില് ഓറഞ്ച് അലേര്ട്ട് ആണ്.
പാലക്കാട്, തൃശൂര്, എറണാകുളം, ഇടുക്കി, കോട്ടയം പത്തനംതിട്ട ജില്ലകളില് നാളെ യെല്ലോ അലേര്ട്ട് ആണ് പ്രഖ്യാപിച്ചത്. അതേസമയം ഇന്നത്തെ മഴമുന്നറിയിപ്പ് മാറ്റമില്ലാതെ തുടരുന്നു.
ഇന്ന് മൂന്ന് ജില്ലകളില് ഓറഞ്ച് അലേര്ട്ട് ആണ്. കാസര്ഗോഡ്, കണ്ണൂര്, കോഴിക്കോട് ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചത്. ബാക്കിയുള്ള ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
അടുത്ത 3 മണിക്കൂറില് കേരളത്തിലെ എല്ലാ ജില്ലകളിലും മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം പ്രഖ്യാപിച്ചു. മണിക്കൂറില് 50 കിലോമീറ്റര് വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
