ഇൻഫാം കൊച്ചറ ഗ്രാമസമിതി കുടുംബ സംഗമം വിവിധ പരിപാടികളോട് കൂടി പഴയ കൊച്ചറ പള്ളി ഓഡിറ്റോറിയത്തിൽ നടന്നു
ഇൻഫാം കാഞ്ഞിരപ്പള്ളി ജില്ലാ ജോയിന്റ് ഡയറക്ടർ ഫാദർ ജോസഫ് പുൽത്തകിടിയേൽ യോഗം ഉദ്ഘാടനം ചെയ്തു.
ഇൻഫാം കൂട്ടായ്മയുടെ ദേശീയ പ്രസക്തിയെക്കുറിച്ചും സംഘടനയുടെ ഉദ്ദേശ ശുദ്ധിയെക്കുറിച്ചും ജനകീയ പ്രശ്നങ്ങളിൽ ഉള്ള ഇടപെടലിനെ കുറിച്ചും അദ്ദേഹം സംസാരിക്കുകയുണ്ടായി.
ഇൻഫാം ജോയിന്റ് ഡയറക്ടർ ഫാദർ റോബിൻ പട്ടരുകാലായിൽ മുഖ്യപ്രഭാഷണം നടത്തി.
കർഷകർക്ക് കലയുമായുള്ള ബന്ധം ചൂണ്ടിക്കാട്ടിക്കൊണ്ട് കുടുംബബന്ധങ്ങൾ സുദൃഢമാക്കുന്നതിന്റെ ആവശ്യകതയെക്കുറിച്ച് മുഖ്യപ്രഭാഷണത്തിൽ അദ്ദേഹം സൂചിപ്പിച്ചു.
ഗ്രാമസമിതി പ്രസിഡണ്ട് ജയകുമാർ മന്നത്തിന്റെ അധ്യക്ഷതയിൽ യോഗം ചേർന്നത്.
കൊച്ചറ ഗ്രാമസമിതി ഡയറക്ടർ ഫാദർ തോമസ് മുണ്ടാട്ട് അനുഗ്രഹ പ്രഭാഷണം നടത്തി.
ഡോക്ടർ എപി ഫിലിപ്പ് ഇലഞ്ഞിപ്പുറം നാണ്യവിളകളെ കുറിച്ചും കാർഷികഉത്പന്നങ്ങളുടെ മാർക്കറ്റിനെ കുറിച്ചും വളരെ വിജ്ഞാനപ്രദമായ ക്ലാസ് നയിച്ചു.
ഈ സമ്മേളനത്തിൽ ജില്ലാ താലൂക്ക് തല നേതാക്കന്മാരും പങ്കെടുത്തു.
സെക്രട്ടറി തങ്കച്ചൻ മല്ലികശ്ശേരി,
താലൂക്ക് പ്രതിനിധി ജോസ് പതിക്കൽ,
ഇൻഫാം കൊച്ചറ യൂണിറ്റ് വൈസ് പ്രസിഡന്റ് ഷാജി തത്തംപള്ളി എന്നിവർ സംസാരിച്ചു.
തുടർന്ന് കർഷകരും അവരുടെ കുടുംബാംഗങ്ങളും വിവിധ കലാപരിപാടികൾ അവതരിപ്പിച്ചു.
വിവിധ കലാകായിക രംഗങ്ങളിൽ മികവ് പുലർത്തിയ പ്രതിഭകളെ സമ്മേളനത്തിൽ ആദരിക്കുകയും ചെയ്തു.
