കെഎസ്ആർടിസി ബസും കാറും ചേമ്പളത്ത് കൂട്ടിയിടിച്ചു

തിരുവനന്തപുരത്തു നിന്നും നെടുങ്കണ്ടത്തേക്ക് പോയ കെഎസ്ആർടിസി ബസും ശാന്തൻപാറയിൽ നിന്നും അണക്കരയിലേക്ക് പോയ ഓൾട്ടോ കാർ ആണ് ചേമ്പളം പള്ളിയുടെ സമീപമുള്ള ആനക്കല്ല് ഗ്രോട്ടോയ്ക്ക് മുൻപിൽ കൂട്ടിയിടിച്ചത്. എസ് എച്ച് 19 സംസ്ഥാനപാതയുടെ ഇരുവശവും കാടുകയറി ദിശാബോധങ്ങൾ കാണാനാവാത്തതും വളവുകളിൽ ഡ്രൈവർമാർക്ക് ദൂരക്കാഴ്ച ലഭിക്കാത്തതും അപകടത്തിന് വഴിയൊരുക്കുന്നു. വളവുകളിൽ ടാറിംഗിനോട് ചേർന്ന് വെള്ളം ഒഴുകി മണ്ണൊലിച്ചു പോയി വലിയ ഗർത്തങ്ങൾ രൂപപ്പെട്ടതും അപകട കാരണമാണ്. അണക്കര സ്വദേശി ശക്തിവേൽ ശാന്തൻപാറ യുള്ള സഹോദരിയുടെ വീട്ടിൽ പോയി മടങ്ങുന്ന വഴിയാണ് അപകടമുണ്ടായത് . അപകടത്തിൽ കെഎസ്ആർടിസി ബസിന്റെ ടയർ പൊട്ടി . ആർക്കും പരിക്കുകളില്ല. അടിയന്തരമായി റോഡ് അരികിലെ കാടുകൾ വെട്ടി തെളിയക്കണമെന്നും, ദിശാസൂചികകൾ കാണാനാവുംവിധം വെടിപ്പാക്കണമെന്നും, റോഡ് അരികിലെ ഗർത്തങ്ങളിൽ കല്ലുകൾ പാകി സുരക്ഷിതമാക്കണമെന്നും, നാട്ടുകാർ ആവശ്യപ്പെടുന്നു.