ഗവൺമെൻ്റ് സ്കൂൾ വെൽഫയർ ഓർഗനൈസേഷൻ്റെ ജവഹർ ശ്രേഷ്ഠ വിദ്യാലയ പുരസ്കാരം ഗവഃ എൽ.പി. സ്കൂൾ അയ്യപ്പൻകോവിലിന്

ഗവൺമെൻ് സ്കൂൾ വെൽഫയർ ഓർഗനൈസേഷൻ (GSTWO ) ഏറ്റവും മികച്ച പ്രൈമറി സ്കൂളിന് നൽകുന്ന പുരസ്കാരം ഗവ: എൽ.പി. സ്കൂൾ അയ്യപ്പൻകോവിലിന്. പഠന പാഠ്യേതര വിഷയങ്ങളിൽ മികച്ച പ്രവർത്തനം നടത്തി മുന്നേറികൊണ്ടിരിക്കുന്ന അയ്യപ്പൻ കോവിൽ ഗവ: എൽ.പി. സ്കൂളിന് പ്രോത്സാഹനമായാണ് ജവഹർ ശ്രേഷ്ഠ പുരസ്കാരം ലഭിച്ചത്. തൊടുപുഴ , ഡോ. APJ അബ്ദുൾ കലാം ഗവ:ഹയർ സെക്കൻ്ററി സ്കൂളിൽ വച്ച് നടന്ന പുരസ്കാര വിതരണ ചടങ്ങ് ഇടുക്കി MP ഡീൻ കുര്യാക്കോസ് ഉദ്ഘാടനം ചെയ്തു. GSTWO പ്രസിഡൻ്റ് വി എം ഫിലിപ്പച്ചൻ അദ്ധ്യക്ഷത വഹിച്ച ചടങ്ങിൽ ജില്ലാ പഞ്ചായത്ത് മെമ്പർ പ്രൊഫ. എം .ജെ .ജേക്കബ് പുരസ്കാരം വിതരണം ചെയ്തു. ഗവ: എൽ.പി സ്കൂൾ അയ്യപ്പൻകോവിലിന് വേണ്ടി ഹെഡ്മിസ്ട്രസ് റാണി തോമസ്, പി.ടി.എ പ്രസിഡൻ്റ് ഷിൻ്റോ പീറ്റർ , വാർഡ് മെമ്പർ സോണിയ ജെറി , അധ്യാപകരായ മനോജ് കുമാർ, രമ്യ , ലിത , PTA എക്സിക്യൂട്ടീവ് അംഗങ്ങൾ എന്നിവർ പുരസ്കാരം ഏറ്റുവാങ്ങി .