അധ്യാപക കലോത്സവം നടന്നു
കെ പി എസ് ടി എയുടെ നേതൃത്വത്തിൽ അധ്യാപക കലോത്സവം തോക്കുപാറ ഗവൺമെന്റ് സ്കൂളിൽ നടന്നു. ഗാന്ധി അനുസ്മരണം, ബോധവൽക്കരണ ക്ലാസ്സ്, ജില്ലാതല സ്വദേശ് മെഗാ ക്വിസ്സ് എന്നീ പരിപാടികളാണ് നടത്തപ്പെട്ടത്. ഗായിക ശ്രേയ ശ്രീകുമാർ കലോത്സവത്തിന്റെ ഉദ്ഘാടനം നിർവഹിച്ചു.തുടർന്ന് ഏഴ് ഉപജില്ലകളിൽ നിന്ന് തെരഞ്ഞെടുക്കപ്പെട്ട അധ്യാപകരുടെ വിവിധ കലാ മത്സരങ്ങൾ നടത്തപ്പെട്ടു. സർ വിവിഷ് വി റോൾഡൻ്റ് ബോധവൽക്കരണ ക്ലാസ് നയിച്ചു. സമാപന സമ്മേളനം ജോർജ്ജ് തോമസ് ഉദ്ഘാടനം നിർവഹിച്ചു. സി ഡി ടോമി, കിങ്ങിണി രാജേന്ദ്രൻ, അടിമാലി എ ഇ ഒ ആനിയമ്മ ജോർജ്ജ്, സംസ്ഥാന എക്സിക്യൂട്ടീവ് അംഗം ജോർജ്ജ് ജേക്കബ്, ആറ്റ്ലി വി.കെ, ഡെയ്സൺ മാത്യു , കെ ആർ ഉണ്ണികൃഷ്ണൻ നായർ, ഒ എസ് മാത്യു, മുഹമ്മദ് ഫൈസൽ, ജോസ് ജോസഫ്, ടോമി ഫിലിപ്പ്, രാജേഷ്, ആൽബിൻ ആൻ്റണി, ജോൺസൺ, എബിൻ സെബാസ്റ്റ്യൻ, ജോണി കെ.എ, അമൽ, ജൈസമ്മ, സർഗ്ഗോൽസവ കോഡിനേറ്റർ സിബി കെജോർജ്ജ്, റെന്നി തോമസ്, ഷൈജു എം എസ് , ജോസഫ് മാത്യു, ആനന്ദ് കോട്ടിരി, എബിൻ സെബാസ്റ്റ്യൻ, രഹ്ന ഇഎസ്, ശ്രീകല സി വി, ജനറൽ കൺവീനർ ജോയി ആൻഡ്രൂസ്സ്,ജോബിൻ കളത്തിക്കാട്ടിൽ, ജോസ് സെബാസ്റ്റ്യൻ എന്നിവർ പ്രസംഗിച്ചു.അടിമാലി ഉപജില്ല ഓവറോൾ ചാമ്പ്യൻഷിപ്പ് കരസ്ഥമാക്കി. അറക്കുളം ഉപജില്ല രണ്ടാം സ്ഥാനവും നെടുംകണ്ടം ഉപജില്ല മൂന്നാം സ്ഥാനവും നേടി.
