ലോക വിനോദസഞ്ചാര ദിനം അഘോഷിച്ചു.
വാഗമൺ:-ലോക വിനോദസഞ്ചാര ദിനത്തോട് അനുബന്ധിച്ച് ഇടുക്കി ഡി.ടി.പി.സി -യുടെ നേതൃത്വത്തിൽ വാഗമൺ അഡ്വഞ്ചർ പാർക്കിൽ ഡി.ടി.പി.സി -ജീവനക്കാർക്ക് ബോധവൽക്കരണ ക്ലാസും സെമിനാറും സംഘടിപ്പിച്ചു.
വാഗമൺ എസ് എച്ച് ഒ ക്ലീറ്റസ് കെ ജോസഫ് ഡിടിപിസി ഗവേർണിങ് ബോർഡ് അംഗം സജീവ് കുമാർ എന്നിവർ ക്ലാസുകൾ നയിച്ചു.
ലോക വിനോദസഞ്ചാര ദിനത്തോടനുബന്ധിച്ചാണ് വാഗമണ്ണിൽ ഡിടിപിസിയുടെ നേതൃത്വത്തിൽ രണ്ടുദിവസം നീണ്ടുനിൽക്കുന്ന പരിപാടിയാണ് സംഘടിപ്പിച്ചത്. ഇന്നലെ കാഞ്ചിയാർ ലബ്ബകട ജെപിഎം കോളേജിലെ വിദ്യാർത്ഥികളുടെ നേതൃത്വത്തിൽ വാഗമൺ അഡ്വഞ്ചർ പാർക്കിൽ ശുചീകരണ പ്രവർത്തനങ്ങൾ നടത്തി .ഇന്ന് വാഗമൺ ഡിറ്റിപിസിയിലെ ജീവനക്കാർക്ക് വേണ്ടി സെമിനാർ ,ബോധവൽക്കരണ ക്ലാസും സംഘടിപ്പിച്ചു .വാഗമൺ സ്റ്റേഷൻ ഹൗസ് ഓഫീസർ ക്ലീറ്റസ് കെ ജോസഫ്, ഡിടിപിസി ഗവേണിംഗ് ബോർഡ് അംഗം സജീവ് കുമാർ എന്നിവരാണ് ക്ലാസ് നയിച്ചത്. വാഗമൺ വിനോദസഞ്ചാര മേഖലയിൽ എത്തുന്ന സഞ്ചാരികളോട് എങ്ങനെ പെരുമാറണമെന്നും, ഇതുമായി ബന്ധപ്പെട്ട നിയമ വശങ്ങളും ഉൾപ്പെടെയാണ് ക്ലാസിൽ ഉൾപ്പെടുത്തിയത്. വാഗമണ്ണിലെ ഡിടിപിസിയുടെ വിവിധ വിഭാഗങ്ങൾ ജോലി ചെയ്യുന്ന മുഴുവൻ ആളുകളും സെമിനാറിലും ബോധവൽക്കരണ ക്ലാസിലും പങ്കാളികളായി. വാഗമൺ എസ് ഐ നൗഷാദ് ,ഡിടിപിസി വാഗമൺ ഇൻ ചാർജ് എംജി മോഹനൻ എന്നിവർ നേതൃത്വം വഹിച്ചു.
