Idukki വാര്‍ത്തകള്‍
ചാന്ദ്ര ദിനാചരണം വ്യത്യസ്മായി ആഘോഷിച്ച് ചെമ്മണ്ണാര്‍ സെന്റ് സേവ്യേഴ്സ് ഹയര്‍ സെക്കണ്ടറി സ്കൂള്‍
ചെമ്മണ്ണാര്‍ സെന്റ് സേവ്യേഴ്സ് സ്കൂളിലെ ചാന്ദ്രദിനാചരണം ശ്രദ്ധേയമായി.കല്‍പ്പനാ ചൗളയും,രാഗേഷ് ശര്‍മ്മയും സ്കൂള്‍ സന്ദര്‍ശിച്ചതാണ് ഈ വര്‍ഷത്തെ ചാന്ദ്രദിനാചരണം ശ്രദ്ധേയമായത്.സ്കൂള്‍ ഗ്രൗണ്ടില്‍ നടത്തിയ പ്രത്യേക അസംബ്ളിയിലാണ് ഇരുവരും അതിഥികളായി എത്തിയത്.കുട്ടികള്‍ കല്‍പ്പനാ ചൗളയുടെയും രാഗേഷ് ശര്‍മ്മയുടെയും വേഷമണിഞ്ഞ് എത്തിയത് ഏവരിലും കൗതുകമുണര്‍ത്തി.കൂടാതെ ഇരുവരും തങ്ങളുടെ ബഹിരാകശ അനുഭവങ്ങള്‍ പങ്കുവച്ചു.
ചാന്ദ്രദിനാചരണത്തോടനുബന്ധിച്ച് കുട്ടികള്‍ നിര്‍മ്മിച്ച റോക്കറ്റുകളുടെയും പോസ്റ്ററുകളുടെയും പ്രദര്‍ശനവും വ്യത്യസ്തമായ പരിപാടികളും ചാന്ദ്രദിന ക്വിസും നടത്തപ്പെട്ടു.സ്കൂള്‍ ഹെഡ്മാസ്റ്റര്‍ ശ്രീ ബിജു വി ജെ, അദ്ധ്യാപകര്‍,വിവിധ സംഘടനകളുടെ ഭാരവാഹികള്‍ പരിപാടികള്‍ക്ക് നേതൃത്വം നല്‍കി.
