Idukki വാര്ത്തകള്കേരള ന്യൂസ്പ്രധാന വാര്ത്തകള്പ്രാദേശിക വാർത്തകൾ
കട്ടപ്പനയിലെ ഹൈ മാക്സ് ലൈറ്റുകൾ മിഴിയടച്ചു
![](/wp-content/uploads/2023/12/IMG-20231228-WA0175.jpg)
![](/wp-content/uploads/2024/01/Banner-min-1.jpg)
കട്ടപ്പന നഗരസഭയിലെ പ്രധാന ഭാഗങ്ങളിലെല്ലാം ഹൈമാക്സ് ലൈറ്റുകൾ മിഴിയടച്ചിട്ട് മാസങ്ങൾ പിന്നിട്ടു.
വെള്ളയാംകുടി , ഗാന്ധി സ്ക്വയർ , സ്റ്റേറ്റ് ബാങ്ക് ജംഗ്ഷൻ, പള്ളിക്കവല, സെന്റ് ജോൺസ് ആശുപത്രി പടി തുടങ്ങിയ സ്ഥലങ്ങളിലാണ് ഹൈമാക്സ് ലൈറ്റുകൾ തെളിയാത്തത്.
വെള്ളയാംകുടി ടൗണിലെ ലൈറ്റ് കത്താതെ വന്നിട്ട് ഒരു വർഷത്തിന് മുകളിലായി.
പള്ളിക്കവലയിൽ ആറു മാസം .
ഗാന്ധി സ്ക്വയറിൽ 4 മാസം .
സ്റ്റേറ്റ് ബാങ്ക് ജംഗ്ഷനിൽ 4 മാസം എന്നിങ്ങനെയാണ് ലൈറ്റുകൾ കേടായ കണക്കുകൾ.
സെന്റ് ജോൺസ് പടിയിലെ മിനി ഹൈമാക്സ് ലൈറ്റ് കത്തിയത് പ്രദേശവാസികൾ പോലും ഓർക്കുന്നില്ല.
മോഷണവും മറ്റ് സാമൂഹ്യ വിരുദ്ധശല്യങ്ങളും വർദ്ധിച്ചു വരുന്ന സാഹചര്യത്തിൽ നഗരസഭ അടിയന്തിരമായി ഇടപെട്ട് ലൈറ്റുകളുടെ കേടുപാടുകൾ പരിഹരിക്കണമെന്നാണ് ജനങ്ങുടെ ആവശ്യം