ഭൂതത്താൻകെട്ടിലും ചെങ്കരയിലും ദിശാസൂചന ബോർഡ് സ്ഥാപിച്ചു
കോതമംഗലം : നവകേരള സദസ്സിന്റെ പ്രചരണാർത്ഥം ടൂറിസം കേന്ദ്രമായ ഭൂതത്താൻകെട്ടിലും ചെങ്കരയിലും ഡിവൈ എഫ് പൂച്ചക്കുത്ത്, ഭൂതത്താൻകെട്ട് യൂണിറ്റുകളുടെ നേതൃത്വത്തിൽ ദിശാസൂചന ബോർഡുകൾ സ്ഥാപിച്ചു . ഉദ്ഘാടനം ഗ്രാമ പഞ്ചായത്തംഗവും നവകേരള സദസ് സ്വാഗത സംഘം ചെയർമാനുമായ എസ് എം അലിയാർ മാഷ് നിർവ്വഹിച്ചു .ഡി വൈ എഫ് ഐ പൂച്ചക്കുത്ത് യൂണിറ്റ് പ്രസിഡന്റ് റിൻസ് മാത്യു അധ്യക്ഷനായി .പഞ്ചായത്ത് മുൻ വിദ്യാഭ്യാസ ആരോഗ്യ സ്റ്റാൻറിംഗ് കമ്മിറ്റി ചെയർമാൻ ബിജു പി നായർ ,ഡി വൈ എഫ് ഐ നേതാക്കളായ പി കെ ഹരിലാൽ ,അഭിജിത്ത് പി നായർ ,കെ എസ് അജി ,ഡ്രേഡ് യൂണിയൻ നേതാക്കളായ ടി സി മാത്യു ,സി കെ ഷൈജന്റ് എന്നിവർ പ്രസംഗിച്ചു .
ചെങ്കര സ്കൂൾ ജങ്ഷനിൽ റോഡ് നാലായി പിരിയുന്നു . ജങ്ഷനിലെത്തുന്ന സഞ്ചാരികൾക്ക് വഴിതെറ്റുന്നത് പതിവാണ് .അതോടൊപ്പം ഭൂതത്താൻകെട്ടിൽ നിന്ന് ഫാം ടൂറിസം കേന്ദ്രമായ വേട്ടാമ്പാറയിലേയ്ക്കും വഴിയറിയാതെ പ്രയാസപ്പെടുന്നത് പതിവാണ് .ഈ പ്രശ്നങ്ങൾക്ക് പരിഹാരം കാണുക എന്ന ലക്ഷ്യത്തോടെയാണ് സഞ്ചാരികൾക്കു കൂടി പ്രയോജനകരമായ ഈ പദ്ധതി ഡിവൈ എഫ് ഐ ഏറ്റെടുത്തത് .
