Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
ഇടുക്കി ചേലച്ചുവടിൽ കെഎസ്ആർടിസി ബസും ടിപ്പർ ലോറിയും കൂട്ടിയിടിച്ച് 14 പേർക്ക് പരിക്ക്
ഇടുക്കി ചേലച്ചുവടിൽ കെഎസ്ആർടിസി ബസും ടിപ്പർ ലോറിയും കൂട്ടിയിടിച്ച് 14 പേർക്ക് പരിക്ക്. തൊടുപുഴയിൽ നിന്നും ചേലച്ചുവടിലേക്ക് വന്ന ബസ്സാണ് അപകടത്തിൽപ്പെട്ടത്. അപകടത്തിൽ കെഎസ്ആർടിസി ഡ്രൈവർ വണ്ണപ്പുറം സ്വദേശി ബെന്നി ജേക്കബിന് ഗുരുതരമായി പരിക്കേറ്റു. ഡ്രൈവറെ ഇടുക്കി മെഡിക്കൽ കോളേജിൽ പ്രവേശിപ്പിച്ച ശേഷം വിദഗ്ദ്ധ ചികിൽസക്കായി തൊടുപുഴയിലേക്ക് മാറ്റി. പരിക്കേറ്റവർ എല്ലാവരും ബസ്സിലെ യാത്രക്കാർ ആയിരുന്നു. പരിക്കേറ്റ മറ്റുള്ളവരെ ഇടുക്കി മെഡിക്കൽ കോളേജ്, കരിമ്പൻ , ചേലച്ചുവട് സ്വകാര്യ ആശുപത്രികളിലും പ്രവേശിപ്പിച്ചു. കഞ്ഞിക്കുഴി പോലീസ് സ്ഥലത്തെത്തി നടപടികൾ സ്വീകരിച്ചു.
