കാട്ടാന അരിക്കൊമ്പനെ വീണ്ടും മയക്കുവെടി വെച്ചു

മയക്കുവെടി വെച്ചത് തേനി ജില്ലയിലെ ഉസിലംപെട്ടിക്ക് സമീപത്ത് വെച്ച്. ആന വനത്തിൽ നിന്ന് ജനവാസ മേഖലയ്ക്ക് അടുത്ത് വന്നപ്പോഴാണ് തമിഴ്നാട് വനം വകുപ്പ് തിങ്കളാഴ്ച രാത്രി 12.30 മയക്കുവെടി വെച്ചത്. പൂശനംപെട്ടിക്ക് സമീപത്തുവച്ചാണ് മയക്കുവെടിവച്ചത്. സ്ഥലത്തുനിന്ന് മാറ്റുന്നതിനായി പിന്നീട് എലിഫന്‍റ് ആംബുലന്‍സിലേയ്ക്ക് മാറ്റി. എവിയേക്കാണ് മാറ്റുന്നത് എന്ന കാര്യം പുറത്തുവിട്ടിട്ടില്ല. രണ്ടുഡോസ് മയക്കുവെടിവെച്ചു എന്നാണ് പുറത്തുവരുന്ന വിവരം. ആരോഗ്യനിലയടക്കം പരിശോധിച്ചശേഷമാവും അരിക്കൊമ്പനെ എവിടേക്ക് മാറ്റണമെന്ന കാര്യത്തില്‍ അന്തിമ തീരുമാനമെടുക്കുക. അരിക്കൊമ്പനെ മാറ്റുന്നതിനായി മൂന്ന് കുങ്കിയാനകളെ തമിഴ്നാട് വനംവകുപ്പ് സ്ഥലത്തെത്തിച്ചിട്ടുണ്ട്.