നെടുങ്കണ്ടം മേഖലയിലെ വിവിധ സ്‌കൂളുകള്‍ക്ക് എസ്.എസ്.എല്‍.സി പരീക്ഷയില്‍ തിളക്കമാര്‍ന്ന വിജയം
നെടുങ്കണ്ടം മേഖലയിലെ വിവിധ സ്‌കൂളുകള്‍ക്ക് എസ്.എസ്.എല്‍.സി പരീക്ഷയില്‍ തിളക്കമാര്‍ന്ന വിജയം. നാല് സ്‌കൂളുകള്‍ക്ക് 100 ശതമാനം വിജയം ലഭിച്ചപ്പോള്‍ ഒരു സ്‌കൂളില്‍ ഒരു വിദ്യാര്‍ത്ഥി മാത്രമാണ് പരാജയപ്പെട്ടത്. ചെമ്മണ്ണാര്‍ സെന്റ് സേവ്യേഴ്‌സ്, നെടുങ്കണ്ടം സെന്റ് സെബാസ്റ്റ്യന്‍സ്, നെടുങ്കണ്ടം ഗവ. ഹൈസ്‌കൂള്‍, രാമക്കല്‍മേട് സെക്രട്ട് ഹാര്‍ട്ട് എന്നിവയ്ക്കാണ് 100 ശതമാനം വിജയം ലഭിച്ചത്. ചെമ്മണ്ണാര്‍ സ്‌കൂളില്‍ 139 വിദ്യാര്‍ത്ഥികളാണ് പരീക്ഷ എഴുതിയത്. ഇതില്‍ 24 പേര്‍ക്ക് ഫുള്‍ എ പ്ലസ് ലഭിച്ചു. നെടുങ്കണ്ടം സെന്റ് സെബാസ്റ്റ്യന്‍സില്‍ 102 വിദ്യാര്‍ത്ഥികള്‍ പരീക്ഷ എഴുതിയതില്‍ 12 പേര്‍ക്ക് ഫുള്‍ എ പ്ലസ് ലഭിച്ചു. നെടുങ്കണ്ടം ഗവ. ഹൈസ്‌കൂളില്‍ ആറ് വിദ്യാര്‍ത്ഥികള്‍ക്ക് ഫുള്‍ എ പ്ലസ് ലഭിച്ചു. 94 വിദ്യാര്‍ത്ഥികളാണ് ഇവിടെ പരീക്ഷ എഴുതിയത്. രാമക്കല്‍മേട് സേക്രട്ട് ഹാര്‍ട്ടില്‍ പരീക്ഷ എഴുതിയ 54 വിദ്യാര്‍ത്ഥികളില്‍ അഞ്ചുപേര്‍ക്ക് ഫുള്‍ എ പ്ലസ് ലഭിച്ചു. 383 വിദ്യാര്‍ത്ഥികള്‍ പരീക്ഷ എഴുതിയ കല്ലാര്‍ ഗവ. ഹൈസ്‌കൂളില്‍ 382 വിദ്യാര്‍ത്ഥികള്‍ വിജയിച്ചു. 42 വിദ്യാര്‍ത്ഥികള്‍ക്ക് എല്ലാ വിഷയങ്ങള്‍ക്കും ഫുള്‍ എ പ്ലസ് ലഭിച്ചു.
